מאגר הכתר בראשית פרק ב עם תרגום אונקלוס

פרק ב
[א] וַיְכֻלּ֛וּ הַשָּׁמַ֥יִם וְהָאָ֖רֶץ וְכָל־צְבָאָֽם:
[ב] וַיְכַ֤ל אֱלֹהִים֙ בַּיּ֣וֹם הַשְּׁבִיעִ֔י מְלַאכְתּ֖וֹ אֲשֶׁ֣ר עָשָׂ֑ה וַיִּשְׁבֹּת֙ בַּיּ֣וֹם הַשְּׁבִיעִ֔י מִכָּל־מְלַאכְתּ֖וֹ אֲשֶׁ֥ר עָשָֽׂה:
[ג] וַיְבָ֤רֶךְ אֱלֹהִים֙ אֶת־י֣וֹם הַשְּׁבִיעִ֔י וַיְקַדֵּ֖שׁ אֹת֑וֹ כִּ֣י ב֤וֹ שָׁבַת֙ מִכָּל־מְלַאכְתּ֔וֹ אֲשֶׁר־בָּרָ֥א אֱלֹהִ֖ים לַעֲשֽׂוֹת: פ
[שני] [ד] אֵ֣לֶּה תוֹלְד֧וֹת הַשָּׁמַ֛יִם וְהָאָ֖רֶץ בְּהִבָּֽרְאָ֑ם בְּי֗וֹם עֲשׂ֛וֹת יְהוָ֥ה אֱלֹהִ֖ים אֶ֥רֶץ וְשָׁמָֽיִם:
[ה] וְכֹ֣ל׀ שִׂ֣יחַ הַשָּׂדֶ֗ה טֶ֚רֶם יִֽהְיֶ֣ה בָאָ֔רֶץ וְכָל־עֵ֥שֶׂב הַשָּׂדֶ֖ה טֶ֣רֶם יִצְמָ֑ח כִּי֩ לֹ֨א הִמְטִ֜יר יְהוָ֤ה אֱלֹהִים֙ עַל־הָאָ֔רֶץ וְאָדָ֣ם אַ֔יִן לַעֲבֹ֖ד אֶת־הָאֲדָמָֽה:
[ו] וְאֵ֖ד יַעֲלֶ֣ה מִן־הָאָ֑רֶץ וְהִשְׁקָ֖ה אֶֽת־כָּל־פְּנֵ֥י הָאֲדָמָֽה:
[ז] וַיִּיצֶר֩ יְהוָ֨ה אֱלֹהִ֜ים אֶת־הָאָדָ֗ם עָפָר֙ מִן־הָ֣אֲדָמָ֔ה וַיִּפַּ֥ח בְּאַפָּ֖יו נִשְׁמַ֣ת חַיִּ֑ים וַיְהִ֥י הָאָדָ֖ם לְנֶ֥פֶשׁ חַיָּֽה:
[ח] וַיִּטַּ֞ע יְהוָ֧ה אֱלֹהִ֛ים גַּן־בְּעֵ֖דֶן מִקֶּ֑דֶם וַיָּ֣שֶׂם שָׁ֔ם אֶת־הָאָדָ֖ם אֲשֶׁ֥ר יָצָֽר:
[ט] וַיַּצְמַ֞ח יְהוָ֤ה אֱלֹהִים֙ מִן־הָ֣אֲדָמָ֔ה כָּל־עֵ֛ץ נֶחְמָ֥ד לְמַרְאֶ֖ה וְט֣וֹב לְמַֽאֲכָ֑ל וְעֵ֤ץ הַֽחַיִּים֙ בְּת֣וֹךְ הַגָּ֔ן וְעֵ֕ץ הַדַּ֖עַת ט֥וֹב וָרָֽע:
[י] וְנָהָר֙ יֹצֵ֣א מֵעֵ֔דֶן לְהַשְׁק֖וֹת אֶת־הַגָּ֑ן וּמִשָּׁם֙ יִפָּרֵ֔ד וְהָיָ֖ה לְאַרְבָּעָ֥ה רָאשִֽׁים:
[יא] שֵׁ֥ם הָאֶחָ֖ד פִּישׁ֑וֹן ה֣וּא הַסֹּבֵ֗ב אֵ֚ת כָּל־אֶ֣רֶץ הַֽחֲוִילָ֔ה אֲשֶׁר־שָׁ֖ם הַזָּהָֽב:
[יב] וּֽזֲהַ֛ב הָאָ֥רֶץ הַהִ֖וא ט֑וֹב שָׁ֥ם הַבְּדֹ֖לַח וְאֶ֥בֶן הַשֹּֽׁהַם:
[יג] וְשֵֽׁם־הַנָּהָ֥ר הַשֵּׁנִ֖י גִּיח֑וֹן ה֣וּא הַסּוֹבֵ֔ב אֵ֖ת כָּל־אֶ֥רֶץ כּֽוּשׁ:
[יד] וְשֵׁ֨ם הַנָּהָ֤ר הַשְּׁלִישִׁי֙ חִדֶּ֔קֶל ה֥וּא הַהֹלֵ֖ךְ קִדְמַ֣ת אַשּׁ֑וּר וְהַנָּהָ֥ר הָרְבִיעִ֖י ה֥וּא פְרָֽת:
[טו] וַיִּקַּ֛ח יְהוָ֥ה אֱלֹהִ֖ים אֶת־הָאָדָ֑ם וַיַּנִּחֵ֣הוּ בְגַן־עֵ֔דֶן לְעָבְדָ֖הּ וּלְשָׁמְרָֽהּ:
[טז] וַיְצַו֙ יְהוָ֣ה אֱלֹהִ֔ים עַל־הָאָדָ֖ם לֵאמֹ֑ר מִכֹּ֥ל עֵֽץ־הַגָּ֖ן אָכֹ֥ל תֹּאכֵֽל:
[יז] וּמֵעֵ֗ץ הַדַּ֙עַת֙ ט֣וֹב וָרָ֔ע לֹ֥א תֹאכַ֖ל מִמֶּ֑נּוּ כִּ֗י בְּי֛וֹם אֲכָלְךָ֥ מִמֶּ֖נּוּ מ֥וֹת תָּמֽוּת:
[יח] וַיֹּ֙אמֶר֙ יְהוָ֣ה אֱלֹהִ֔ים לֹא־ט֛וֹב הֱי֥וֹת הָאָדָ֖ם לְבַדּ֑וֹ אֶעֱשֶׂה־לּ֥וֹ עֵ֖זֶר כְּנֶגְדּֽוֹ:
[יט] וַיִּצֶר֩ יְהוָ֨ה אֱלֹהִ֜ים מִן־הָאֲדָמָ֗ה כָּל־חַיַּ֤ת הַשָּׂדֶה֙ וְאֵת֙ כָּל־ע֣וֹף הַשָּׁמַ֔יִם וַיָּבֵא֙ אֶל־הָ֣אָדָ֔ם לִרְא֖וֹת מַה־יִּקְרָא־ל֑וֹ וְכֹל֩ אֲשֶׁ֨ר יִקְרָא־ל֧וֹ הָאָדָ֛ם נֶ֥פֶשׁ חַיָּ֖ה ה֥וּא שְׁמֽוֹ:
[שלישי] [כ] וַיִּקְרָ֨א הָאָדָ֜ם שֵׁמ֗וֹת לְכָל־הַבְּהֵמָה֙ וּלְע֣וֹף הַשָּׁמַ֔יִם וּלְכֹ֖ל חַיַּ֣ת הַשָּׂדֶ֑ה וּלְאָדָ֕ם לֹא־מָצָ֥א עֵ֖זֶר כְּנֶגְדּֽוֹ:
[כא] וַיַּפֵּל֩ יְהוָ֨ה אֱלֹהִ֧ים ׀ תַּרְדֵּמָ֛ה עַל־הָאָדָ֖ם וַיִּישָׁ֑ן וַיִּקַּ֗ח אַחַת֙ מִצַּלְעֹתָ֔יו וַיִּסְגֹּ֥ר בָּשָׂ֖ר תַּחְתֶּֽנָּה:
[כב] וַיִּבֶן֩ יְהוָ֨ה אֱלֹהִ֧ים ׀ אֶֽת־הַצֵּלָ֛ע אֲשֶׁר־לָקַ֥ח מִן־הָאָדָ֖ם לְאִשָּׁ֑ה וַיְבִאֶ֖הָ אֶל־הָאָדָֽם:
[כג] וַיֹּאמֶר֘ הָאָדָם֒ זֹ֣את הַפַּ֗עַם עֶ֚צֶם מֵֽעֲצָמַ֔י וּבָשָׂ֖ר מִבְּשָׂרִ֑י לְזֹאת֙ יִקָּרֵ֣א אִשָּׁ֔ה כִּ֥י מֵאִ֖ישׁ לֻֽקֳחָה־זֹּֽאת:
[כד] עַל־כֵּן֙ יַֽעֲזָב־אִ֔ישׁ אֶת־אָבִ֖יו וְאֶת־אִמּ֑וֹ וְדָבַ֣ק בְּאִשְׁתּ֔וֹ וְהָי֖וּ לְבָשָׂ֥ר אֶחָֽד:
[כה] וַיִּֽהְי֤וּ שְׁנֵיהֶם֙ עֲרוּמִּ֔ים הָאָדָ֖ם וְאִשְׁתּ֑וֹ וְלֹ֖א יִתְבֹּשָֽׁשׁוּ:

פרק ב
[א] וְאִשׁתַּכלַלוּ שְׁמַיָא וְאַרעָא וְכָל חֵילֵיהוֹן :
[ב] וְשֵׁיצִי יְיָ בְּיוֹמָא שְׁבִיעָאָה עֲבִידְתֵיהּ דַּעֲבַד וְנָח בְּיוֹמָא שְׁבִיעָאָה מִכָּל עֲבִידְתֵיהּ דַּעֲבַד :
[ג] וּבָרֵיך יְיָ יָת יוֹמָא שְׁבִיעָאָה וְקַדֵּישׁ יָתֵיהּ אֲרֵי בֵיהּ נָח מִכָּל עֲבִידְתֵיהּ דִּברָא יְיָ לְמֶעֱבַד :
[שני] [ד] אִלֵין תּוֹלְדָת שְׁמַיָא וְאַרעָא כַּד אִתבְּרִיאוּ בְּיוֹמָא דַּעֲבַד יְיָ אֱלֹהִים אַרעָא וּשׁמַיָא :
[ה] וְכֹל אִילָנֵי חַקלָא עַד לָא הֲווֹ בְאַרעָא וְכָל עִסבָּא דְחַקלָא עַד לָא צְמַח אֲרֵי לָא אַחֵית יְיָ אֱלֹהִים מִטרָא עַל אַרעָא וֶאֱנָשׁ לֵית לְמִפלַח יָת אֲדַמתָּא :
[ו] וַעֲנָנָא הֲוָה סָלֵיק עַל אַרעָא וּמַשׁקֵי יָת כָּל אַפֵּי אֲדַמתָּא :
[ז] וּברָא יְיָ אֱלֹהִים יָת אָדָם עַפרָא מִן אַרעָא וּנפַח בְּאַפּוֹהִי נִשׁמְתָא דְחַיֵי וַהֲוָת בְּאָדָם לְרוּחַ מְמַלְלָא :
[ח] וּנצַב יְיָ אֱלֹהִים גִּנְתָא בְעֵדֶן מִלְקַדמִין וְאַשְׁרִי תַמָן יָת אָדָם דִּברָא :
[ט] וְאַצמַח יְיָ אֱלֹהִים מִן אַרעָא כָּל אִילָן דִּמרַגַּג לְמִחזֵי וְטָב לְמֵיכַל וְאִילָן חַיַיָא בִּמצִיעוּת גִּנְתָא וְאִילָן דְּאָכְלֵי פֵירוֹהִי חָכְמִין בֵּין טָב לְבִישׁ :
[י] וְנַהרָא הֲוָה נָפֵיק מֵעֵדֶן לְאַשׁקָאָה יָת גִּנְתָא וּמִתַּמָן מִתפָּרַשׁ וְהָוֵי לְאַרבְּעָה רֵישֵׁי נַהרִין :
[יא] שׁוֹם חַד פִּישׁוֹן הוּא מַקֵיף יָת כָּל אֲרַע חֲוִילָה דְּתַמָן דַּהבָּא :
[יב] וְדַהבָּא דְּאַרעָא הַהִיא טָב תַּמָן בְּדוּלחָא וְאַבנֵי בוּרלָא :
[יג] וְשׁוֹם נַהרָא תִניָנָא גִּיחוֹן הוּא מַקֵיף יָת כָּל אֲרַע כּוּשׁ :
[יד] וְשׁוֹם נַהרָא תְלִיתָאָה דִּגלָת הוּא מְהַלֵיך לְמַדנְחָא דַאַתּוּר וְנַהרָא רְבִיעָאָה הוּא פְרָת :
[טו] וּדבַר יְיָ אֱלֹהִים יָת אָדָם וְאַשׁרְיֵיהּ בְּגִינְתָא דְעֵדֶן לְמִפלְחַהּ וּלמִטְרַהּ :
[טז] וּפַקֵיד יְיָ אֱלֹהִים עַל אָדָם לְמֵימַר מִכֹּל אִילָן גִּנְתָא מֵיכָל תֵּיכוֹל :
[יז] וּמֵאִילָן דְּאָכְלֵי פֵירוֹהִי חָכְמִין בֵּין טָב לְבִישׁ לָא תֵיכוֹל מִנֵיהּ אֲרֵי בְּיוֹמָא דְּתֵיכוֹל מִנֵיהּ מְמָת תְּמוּת :
[יח] וַאֲמַר יְיָ אֱלֹהִים לָא תָקֵין דִּיהֵי אָדָם בִּלחוֹדוֹהִי אַעֲבֵיד לֵיהּ סְמָך כְּקִבלֵיהּ :
[יט] וּברָא יְיָ אֱלֹהִים מִן אַרעָא כָּל חַיַת בָּרָא וְיָת כָּל עוֹפָא דִשׁמַיָא וְאַיתִי לְוָת אָדָם לְמִחזֵי מָא יִקרֵי לְהוֹן וְכֹל דַּהֲוָה קָרֵי לֵיהּ אָדָם נַפשָׁא חַיתָא הוּא שְׁמֵיהּ :
[שלישי] [כ] וּקרָא אָדָם שְׁמָהָן לְכָל בְּעִירָא וּלעוֹפָא דִשׁמַיָא וּלכֹל חַיַת בָּרָא וּלאָדָם לָא אַשׁכַּח סְמָך כְּקִבלֵיהּ :
[כא] וּרמָא יְיָ אֱלֹהִים שִׁינְתָא עַל אָדָם וּדמוּך וּנסֵיב חֲדָא מֵעִלעוֹהִי וּמַלִי בִסרָא תְּחוֹתַהּ :
[כב] וּבנָא יְיָ אֱלֹהִים יָת עִלעָא דִּנסֵיב מִן אָדָם לְאִתְּתָא וְאַיתְיַהּ לְוָת אָדָם :
[כג] וַאֲמַר אָדָם הָדָא זִמנָא גַּרמָא מִגַּרמַי וּבִסרָא מִבִּסרִי לְדָא יִתקְרֵי אִתְּתָא אֲרֵי מִבַּעלַהּ נְסִיבָא דָא :
[כד] עַל כֵּן יִשׁבּוֹק גְּבַר בֵּית מִשׁכְּבֵי אֲבוּהִי וְאִימֵיהּ וְיִדבֹּק בְּאִתְּתֵיהּ וִיהוֹן לְבִסרָא חַד :
[כה] וַהֲווֹ תַרוֵיהוֹן עַרטִלָאִין אָדָם וְאִתְּתֵיהּ וְלָא מִתכַּלמִין :