מאגר הכתר שמות פרק יב עם עין המסורה

פרק יב
[א] וַיֹּ֤אמֶר יְהוָה֙ אֶל־מֹשֶׁ֣ה וְאֶֽל־אַהֲרֹ֔ן בְּאֶ֥רֶץ מִצְרַ֖יִם לֵאמֹֽר:
[ב] הַחֹ֧דֶשׁ הַזֶּ֛ה לָכֶ֖ם רֹ֣אשׁ חֳדָשִׁ֑ים רִאשׁ֥וֹן הוּא֙ לָכֶ֔ם לְחָדְשֵׁ֖י הַשָּׁנָֽה:
[ג] דַּבְּר֗וּ אֶֽל־כָּל־עֲדַ֤ת יִשְׂרָאֵל֙ לֵאמֹ֔ר בֶּעָשֹׂ֖ר לַחֹ֣דֶשׁ הַזֶּ֑ה וְיִקְח֣וּ לָהֶ֗ם אִ֛ישׁ שֶׂ֥ה לְבֵית־אָבֹ֖ת שֶׂ֥ה לַבָּֽיִת:
[ד] וְאִם־יִמְעַ֣ט הַבַּיִת֘ מִֽהְי֣וֹת מִשֶּׂה֒ וְלָקַ֣ח ה֗וּא וּשְׁכֵנ֛וֹ הַקָּרֹ֥ב אֶל־בֵּית֖וֹ בְּמִכְסַ֣ת נְפָשֹׁ֑ת אִ֚ישׁ לְפִ֣י אָכְל֔וֹ תָּכֹ֖סּוּ עַל־הַשֶּֽׂה:
[ה] שֶׂ֥ה תָמִ֛ים זָכָ֥ר בֶּן־שָׁנָ֖ה יִהְיֶ֣ה לָכֶ֑ם מִן־הַכְּבָשִׂ֥ים וּמִן־הָעִזִּ֖ים תִּקָּֽחוּ:
[ו] וְהָיָ֤ה לָכֶם֙ לְמִשְׁמֶ֔רֶת עַ֣ד אַרְבָּעָ֥ה עָשָׂ֛ר י֖וֹם לַחֹ֣דֶשׁ הַזֶּ֑ה וְשָׁחֲט֣וּ אֹת֗וֹ כֹּ֛ל קְהַ֥ל עֲדַֽת־יִשְׂרָאֵ֖ל בֵּ֥ין הָעַרְבָּֽיִם:
[ז] וְלָֽקְחוּ֙ מִן־הַדָּ֔ם וְנָ֥תְנ֛וּ עַל־שְׁתֵּ֥י הַמְּזוּזֹ֖ת וְעַל־הַמַּשְׁק֑וֹף עַ֚ל הַבָּ֣תִּ֔ים אֲשֶׁר־יֹאכְל֥וּ אֹת֖וֹ בָּהֶֽם:
[ח] וְאָכְל֥וּ אֶת־הַבָּשָׂ֖ר בַּלַּ֣יְלָה הַזֶּ֑ה צְלִי־אֵ֣שׁ וּמַצּ֔וֹת עַל־מְרֹרִ֖ים יֹאכְלֻֽהוּ:
[ט] אַל־תֹּאכְל֤וּ מִמֶּ֙נּוּ֙ נָ֔א וּבָשֵׁ֥ל מְבֻשָּׁ֖ל בַּמָּ֑יִם כִּ֣י אִם־צְלִי־אֵ֔שׁ רֹאשׁ֥וֹ עַל־כְּרָעָ֖יו וְעַל־קִרְבּֽוֹ:
[י] וְלֹא־תוֹתִ֥ירוּ מִמֶּ֖נּוּ עַד־בֹּ֑קֶר וְהַנֹּתָ֥ר מִמֶּ֛נּוּ עַד־בֹּ֖קֶר בָּאֵ֥שׁ תִּשְׂרֹֽפוּ:
[יא] וְכָכָה֘ תֹּאכְל֣וּ אֹתוֹ֒ מָתְנֵיכֶ֣ם חֲגֻרִ֔ים נַֽעֲלֵיכֶם֙ בְּרַגְלֵיכֶ֔ם וּמַקֶּלְכֶ֖ם בְּיֶדְכֶ֑ם וַאֲכַלְתֶּ֤ם אֹתוֹ֙ בְּחִפָּז֔וֹן פֶּ֥סַח ה֖וּא לַיהוָֽה:
[יב] וְעָבַרְתִּ֣י בְאֶֽרֶץ־מִצְרַיִם֘ בַּלַּ֣יְלָה הַזֶּה֒ וְהִכֵּיתִ֤י כָל־בְּכוֹר֙ בְּאֶ֣רֶץ מִצְרַ֔יִם מֵאָדָ֖ם וְעַד־בְּהֵמָ֑ה וּבְכָל־אֱלֹהֵ֥י מִצְרַ֛יִם אֶעֱשֶׂ֥ה שְׁפָטִ֖ים אֲנִ֥י יְהוָֽה:
[יג] וְהָיָה֩ הַדָּ֨ם לָכֶ֜ם לְאֹ֗ת עַ֤ל הַבָּתִּים֙ אֲשֶׁ֣ר אַתֶּ֣ם שָׁ֔ם וְרָאִ֙יתִי֙ אֶת־הַדָּ֔ם וּפָסַחְתִּ֖י עֲלֵכֶ֑ם וְלֹא־יִֽהְיֶ֨ה בָכֶ֥ם נֶ֙גֶף֙ לְמַשְׁחִ֔ית בְּהַכֹּתִ֖י בְּאֶ֥רֶץ מִצְרָֽיִם:
[יד] וְהָיָה֩ הַיּ֨וֹם הַזֶּ֤ה לָכֶם֙ לְזִכָּר֔וֹן וְחַגֹּתֶ֥ם אֹת֖וֹ חַ֣ג לַֽיהוָ֑ה לְדֹרֹ֣תֵיכֶ֔ם חֻקַּ֥ת עוֹלָ֖ם תְּחָגֻּֽהוּ:
[טו] שִׁבְעַ֤ת יָמִים֙ מַצּ֣וֹת תֹּאכֵ֔לוּ אַ֚ךְ בַּיּ֣וֹם הָרִאשׁ֔וֹן תַּשְׁבִּ֥יתוּ שְּׂאֹ֖ר מִבָּתֵּיכֶ֑ם כִּ֣י׀ כָּל־אֹכֵ֣ל חָמֵ֗ץ וְנִכְרְתָ֞ה הַנֶּ֤פֶשׁ הַהִוא֙ מִיִּשְׂרָאֵ֔ל מִיּ֥וֹם הָרִאשֹׁ֖ן עַד־י֥וֹם הַשְּׁבִעִֽי:
[טז] וּבַיּ֤וֹם הָֽרִאשׁוֹן֙ מִקְרָא־קֹ֔דֶשׁ וּבַיּוֹם֙ הַשְּׁבִיעִ֔י מִקְרָא־קֹ֖דֶשׁ יִהְיֶ֣ה לָכֶ֑ם כָּל־מְלָאכָה֙ לֹא־יֵעָשֶׂ֣ה בָהֶ֔ם אַ֚ךְ אֲשֶׁ֣ר יֵאָכֵ֣ל לְכָל־נֶ֔פֶשׁ ה֥וּא לְבַדּ֖וֹ יֵעָשֶׂ֥ה לָכֶֽם:
[יז] וּשְׁמַרְתֶּם֘ אֶת־הַמַּצּוֹת֒ כִּ֗י בְּעֶ֙צֶם֙ הַיּ֣וֹם הַזֶּ֔ה הוֹצֵ֥אתִי אֶת־צִבְאוֹתֵיכֶ֖ם מֵאֶ֣רֶץ מִצְרָ֑יִם וּשְׁמַרְתֶּ֞ם אֶת־הַיּ֥וֹם הַזֶּ֛ה לְדֹרֹתֵיכֶ֖ם חֻקַּ֥ת עוֹלָֽם:
[יח] בָּרִאשֹׁ֡ן בְּאַרְבָּעָה֩ עָשָׂ֨ר י֤וֹם לַחֹ֙דֶשׁ֙ בָּעֶ֔רֶב תֹּאכְל֖וּ מַצֹּ֑ת עַ֠ד י֣וֹם הָאֶחָ֧ד וְעֶשְׂרִ֛ים לַחֹ֖דֶשׁ בָּעָֽרֶב:
[יט] שִׁבְעַ֣ת יָמִ֔ים שְׂאֹ֕ר לֹ֥א יִמָּצֵ֖א בְּבָתֵּיכֶ֑ם כִּ֣י׀ כָּל־אֹכֵ֣ל מַחְמֶ֗צֶת וְנִכְרְתָ֞ה הַנֶּ֤פֶשׁ הַהִוא֙ מֵעֲדַ֣ת יִשְׂרָאֵ֔ל בַּגֵּ֖ר וּבְאֶזְרַ֥ח הָאָֽרֶץ:
[כ] כָּל־מַחְמֶ֖צֶת לֹ֣א תֹאכֵ֑לוּ בְּכֹל֙ מוֹשְׁבֹ֣תֵיכֶ֔ם תֹּאכְל֖וּ מַצּֽוֹת: פ
[חמישי] [כא] וַיִּקְרָ֥א מֹשֶׁ֛ה לְכָל־זִקְנֵ֥י יִשְׂרָאֵ֖ל וַיֹּ֣אמֶר אֲלֵהֶ֑ם מִֽשְׁכ֗וּ וּקְח֨וּ לָכֶ֥ם צֹ֛אן לְמִשְׁפְּחֹתֵיכֶ֖ם וְשַׁחֲט֥וּ הַפָּֽסַח:
[כב] וּלְקַחְתֶּ֞ם אֲגֻדַּ֣ת אֵז֗וֹב וּטְבַלְתֶּם֘ בַּדָּ֣ם אֲשֶׁר־בַּסַּף֒ וְהִגַּעְתֶּ֤ם אֶל־הַמַּשְׁקוֹף֙ וְאֶל־שְׁתֵּ֣י הַמְּזוּזֹ֔ת מִן־הַדָּ֖ם אֲשֶׁ֣ר בַּסָּ֑ף וְאַתֶּ֗ם לֹ֥א תֵצְא֛וּ אִ֥ישׁ מִפֶּֽתַח־בֵּית֖וֹ עַד־בֹּֽקֶר:
[כג] וְעָבַ֣ר יְהוָה֘ לִנְגֹּ֣ף אֶת־מִצְרַיִם֒ וְרָאָ֤ה אֶת־הַדָּם֙ עַל־הַמַּשְׁק֔וֹף וְעַ֖ל שְׁתֵּ֣י הַמְּזוּזֹ֑ת וּפָסַ֤ח יְהוָה֙ עַל־הַפֶּ֔תַח וְלֹ֤א יִתֵּן֙ הַמַּשְׁחִ֔ית לָבֹ֥א אֶל־בָּתֵּיכֶ֖ם לִנְגֹּֽף:
[כד] וּשְׁמַרְתֶּ֖ם אֶת־הַדָּבָ֣ר הַזֶּ֑ה לְחָק־לְךָ֥ וּלְבָנֶ֖יךָ עַד־עוֹלָֽם:
[כה] וְהָיָ֞ה כִּֽי־תָבֹ֣אוּ אֶל־הָאָ֗רֶץ אֲשֶׁ֨ר יִתֵּ֧ן יְהוָ֛ה לָכֶ֖ם כַּאֲשֶׁ֣ר דִּבֵּ֑ר וּשְׁמַרְתֶּ֖ם אֶת־הָעֲבֹדָ֥ה הַזֹּֽאת:
[כו] וְהָיָ֕ה כִּֽי־יֹאמְר֥וּ אֲלֵיכֶ֖ם בְּנֵיכֶ֑ם מָ֛ה הָעֲבֹדָ֥ה הַזֹּ֖את לָכֶֽם:
[כז] וַאֲמַרְתֶּ֡ם זֶבַח־פֶּ֨סַח ה֜וּא לַיהוָ֗ה אֲשֶׁ֣ר פָּ֠סַח עַל־בָּתֵּ֤י בְנֵֽי־יִשְׂרָאֵל֙ בְּמִצְרַ֔יִם בְּנָגְפּ֥וֹ אֶת־מִצְרַ֖יִם וְאֶת־בָּתֵּ֣ינוּ הִצִּ֑יל וַיִּקֹּ֥ד הָעָ֖ם וַיִּֽשְׁתַּחֲוֽוּ:
[כח] וַיֵּלְכ֥וּ וַֽיַּעֲשׂ֖וּ בְּנֵ֣י יִשְׂרָאֵ֑ל כַּאֲשֶׁ֨ר צִוָּ֧ה יְהוָ֛ה אֶת־מֹשֶׁ֥ה וְאַהֲרֹ֖ן כֵּ֥ן עָשֽׂוּ: ס
[ששי] [כט] וַיְהִ֣י׀ בַּחֲצִ֣י הַלַּ֗יְלָה וַיהוָה֘ הִכָּ֣ה כָל־בְּכוֹר֘ בְּאֶ֣רֶץ מִצְרַיִם֒ מִבְּכֹ֤ר פַּרְעֹה֙ הַיֹּשֵׁ֣ב עַל־כִּסְא֔וֹ עַ֚ד בְּכ֣וֹר הַשְּׁבִ֔י אֲשֶׁ֖ר בְּבֵ֣ית הַבּ֑וֹר וְכֹ֖ל בְּכ֥וֹר בְּהֵמָֽה:
[ל] וַיָּ֨קָם פַּרְעֹ֜ה לַ֗יְלָה ה֤וּא וְכָל־עֲבָדָיו֙ וְכָל־מִצְרַ֔יִם וַתְּהִ֛י צְעָקָ֥ה גְדֹלָ֖ה בְּמִצְרָ֑יִם כִּֽי־אֵ֣ין בַּ֔יִת אֲשֶׁ֥ר אֵֽין־שָׁ֖ם מֵֽת:
[לא] וַיִּקְרָא֩ לְמֹשֶׁ֨ה וּֽלְאַהֲרֹ֜ן לַ֗יְלָה וַיֹּ֙אמֶר֙ ק֤וּמוּ צְּאוּ֙ מִתּ֣וֹךְ עַמִּ֔י גַּם־אַתֶּ֖ם גַּם־בְּנֵ֣י יִשְׂרָאֵ֑ל וּלְכ֛וּ עִבְד֥וּ אֶת־יְהוָ֖ה כְּדַבֶּרְכֶֽם:
[לב] גַּם־צֹאנְכֶ֨ם גַּם־בְּקַרְכֶ֥ם קְח֛וּ כַּאֲשֶׁ֥ר דִּבַּרְתֶּ֖ם וָלֵ֑כוּ וּבֵרַכְתֶּ֖ם גַּם־אֹתִֽי:
[לג] וַתֶּחֱזַ֤ק מִצְרַ֙יִם֙ עַל־הָעָ֔ם לְמַהֵ֖ר לְשַׁלְּחָ֣ם מִן־הָאָ֑רֶץ כִּ֥י אָמְר֖וּ כֻּלָּ֥נוּ מֵתִֽים:
[לד] וַיִּשָּׂ֥א הָעָ֛ם אֶת־בְּצֵק֖וֹ טֶ֣רֶם יֶחְמָ֑ץ מִשְׁאֲרֹתָ֛ם צְרֻרֹ֥ת בְּשִׂמְלֹתָ֖ם עַל־שִׁכְמָֽם:
[לה] וּבְנֵי־יִשְׂרָאֵ֥ל עָשׂ֖וּ כִּדְבַ֣ר מֹשֶׁ֑ה וַֽיִּשְׁאֲלוּ֙ מִמִּצְרַ֔יִם כְּלֵי־כֶ֛סֶף וּכְלֵ֥י זָהָ֖ב וּשְׂמָלֹֽת:
[לו] וַיהוָ֞ה נָתַ֨ן אֶת־חֵ֥ן הָעָ֛ם בְּעֵינֵ֥י מִצְרַ֖יִם וַיַּשְׁאִל֑וּם וַֽיְנַצְּל֖וּ אֶת־מִצְרָֽיִם: פ
[לז] וַיִּסְע֧וּ בְנֵֽי־יִשְׂרָאֵ֛ל מֵרַעְמְסֵ֖ס סֻכֹּ֑תָה כְּשֵׁשׁ־מֵא֨וֹת אֶ֧לֶף רַגְלִ֛י הַגְּבָרִ֖ים לְבַ֥ד מִטָּֽף:
[לח] וְגַם־עֵ֥רֶב רַ֖ב עָלָ֣ה אִתָּ֑ם וְצֹ֣אן וּבָקָ֔ר מִקְנֶ֖ה כָּבֵ֥ד מְאֹֽד:
[לט] וַיֹּאפ֨וּ אֶת־הַבָּצֵ֜ק אֲשֶׁ֨ר הוֹצִ֧יאוּ מִמִּצְרַ֛יִם עֻגֹ֥ת מַצּ֖וֹת כִּ֣י לֹ֣א חָמֵ֑ץ כִּֽי־גֹרְשׁ֣וּ מִמִּצְרַ֗יִם וְלֹ֤א יָֽכְלוּ֙ לְהִתְמַהְמֵ֔הַּ וְגַם־צֵדָ֖ה לֹא־עָשׂ֥וּ לָהֶֽם:
[מ] וּמוֹשַׁב֙ בְּנֵ֣י יִשְׂרָאֵ֔ל אֲשֶׁ֥ר יָשְׁב֖וּ בְּמִצְרָ֑יִם שְׁלֹשִׁ֣ים שָׁנָ֔ה וְאַרְבַּ֥ע מֵא֖וֹת שָׁנָֽה:
[מא] וַיְהִ֗י מִקֵּץ֙ שְׁלֹשִׁ֣ים שָׁנָ֔ה וְאַרְבַּ֥ע מֵא֖וֹת שָׁנָ֑ה וַיְהִ֗י בְּעֶ֙צֶם֙ הַיּ֣וֹם הַזֶּ֔ה יָ֥צְא֛וּ כָּל־צִבְא֥וֹת יְהוָ֖ה מֵאֶ֥רֶץ מִצְרָֽיִם:
[מב] לֵ֣יל שִׁמֻּרִ֥ים הוּא֙ לַֽיהוָ֔ה לְהוֹצִיאָ֖ם מֵאֶ֣רֶץ מִצְרָ֑יִם הֽוּא־הַלַּ֤יְלָה הַזֶּה֙ לַֽיהוָ֔ה שִׁמֻּרִ֛ים לְכָל־בְּנֵ֥י יִשְׂרָאֵ֖ל לְדֹרֹתָֽם: פ
[מג] וַיֹּ֤אמֶר יְהוָה֙ אֶל־מֹשֶׁ֣ה וְאַהֲרֹ֔ן זֹ֖את חֻקַּ֣ת הַפָּ֑סַח כָּל־בֶּן־נֵכָ֖ר לֹא־יֹ֥אכַל בּֽוֹ:
[מד] וְכָל־עֶ֥בֶד אִ֖ישׁ מִקְנַת־כָּ֑סֶף וּמַלְתָּ֣ה אֹת֔וֹ אָ֖ז יֹ֥אכַל בּֽוֹ:
[מה] תּוֹשָׁ֥ב וְשָׂכִ֖יר לֹא־יֹֽאכַל־בּֽוֹ:
[מו] בְּבַ֤יִת אֶחָד֙ יֵאָכֵ֔ל לֹא־תוֹצִ֧יא מִן־הַבַּ֛יִת מִן־הַבָּשָׂ֖ר ח֑וּצָה וְעֶ֖צֶם לֹ֥א תִשְׁבְּרוּ־בֽוֹ:
[מז] כָּל־עֲדַ֥ת יִשְׂרָאֵ֖ל יַעֲשׂ֥וּ אֹתֽוֹ:
[מח] וְכִֽי־יָג֨וּר אִתְּךָ֜ גֵּ֗ר וְעָ֣שָׂה פֶסַח֘ לַיהוָה֒ הִמּ֧וֹל ל֣וֹ כָל־זָכָ֗ר וְאָז֙ יִקְרַ֣ב לַעֲשֹׂת֔וֹ וְהָיָ֖ה כְּאֶזְרַ֣ח הָאָ֑רֶץ וְכָל־עָרֵ֖ל לֹא־יֹ֥אכַל בּֽוֹ:
[מט] תּוֹרָ֣ה אַחַ֔ת יִהְיֶ֖ה לָאֶזְרָ֑ח וְלַגֵּ֖ר הַגָּ֥ר בְּתוֹכֲכֶֽם:
[נ] וַֽיַּעֲשׂ֖וּ כָּל־בְּנֵ֣י יִשְׂרָאֵ֑ל כַּאֲשֶׁ֨ר צִוָּ֧ה יְהוָ֛ה אֶת־מֹשֶׁ֥ה וְאֶֽת־אַהֲרֹ֖ן כֵּ֥ן עָשֽׂוּ: ס
[נא] וַיְהִ֕י בְּעֶ֖צֶם הַיּ֣וֹם הַזֶּ֑ה הוֹצִ֨יא יְהוָ֜ה אֶת־בְּנֵ֧י יִשְׂרָאֵ֛ל מֵאֶ֥רֶץ מִצְרַ֖יִם עַל־צִבְאֹתָֽם: פ

פרק יב
(א) ויאמר יי' אל - משה ואל - אהרן - ה': ראה שמ' ז , ח. (ב) לחדשי השנה - ב': *שמ' יב , ב; *במ' כח , יד. (ג) דברו - ג' ראשי פסוקים בתורה: שמ' יב , ג; *וי' יא , ב; טו , ב. עדת ישראל - י"א (בלישנא): שמ' יב , ג , ו , יט , מז; וי' ד , יג; במ' טז , ט; לב , ד; יהו' כב , יח , כ; מ"א ח , ה; דה"ב ה , ו. ויקחו - ו' (רפין): *שמ' יב , ג; כה , ב; כז , כ; וי' כד , ב; *במ' יט , ב; מ"ב ז , יג. אבת - ב' חסר: *שמ' יב , ג; כ , ה. (ד) ימעט - ב' (בפתח): שמ' יב , ד; נחמ' ט , לב. נפשת - ב' חסר: שמ' יב , ד; וי' כז , ב. (ו) עדת - ישראל - י"א (בלישנא): ראה לעיל , ג. (ז) המזוזת - ב' כתיב כן (בלישנא): כל שמות (שמ' יב , ז , כב , כג); מש' ח , לד. ועל - המשקוף - ו' זוגין מן ג' , חד 'אל' וחד 'על' וחד 'ועל' מיחדין: שמ' יב , ז , כב , כג. - דב' יז , יא; כה , א; יש' כח , ו. - שו' כא , ו; ש"ב ב , ט; ד , ב. - יר' כב , יח; לו , כט , ל. - כז , ח , יג; כה , יב. - דה"ב ל , כ; לב , ט , טז. המשקוף - ג': שמ' יב , ז , כב , כג. (ח) ומצות - ב': בר' יט , ג; שמ' יב , ח. יאכלהו - ד' וחסר: שמ' יב , ח; וי' ח , לא; במ' ט , יא; יש' סב , ט. (ט) מבשל - ב': שמ' יב , ט; ש"א ב , טו. (י) ולא - ז' ראשי פסוקים בסיפרא: ראה שמ' ב , ג. (יא) וככה - ב': שמ' יב , יא; נחמ' ה , יג. חגרים - ג' (ב' חסר): שמ' יב , יא; שו' יח , טז; דנ' י , ה. בחפזון - ג' ומלא: שמ' יב , יא; דב' טז , ג; יש' נב , יב. (יג) וראיתי - י"ב: *שמ' יב , יג; ש"א יט , ג; יח' לז , ח; מא , ח; *קה' ב , יג; ג , כב; ד , ד; ח , יז; אס' ח , ו (פעמיים); דנ' י , ז; יב , ה. בהכתי - ב' , חד חסר וחד מלא: *שמ' יב , יג; יח' לב , טו. (יד) לזכרון - ח' (מלא וחסר , בלישנא): שמ' יב , יד; יג , ט; כח , יב , כט; ל , טז; במ' י , י; יהו' ד , ז; זכ' ו , יד. לזכרון - ז' (מלא וחסר): שמ' יב , יד; כח , יב , כט; ל , טז; במ' י , י; יהו' ד , ז; זכ' ו , יד. לזכרון - ה' (מלא): שמ' יב , יד; ל , טז; במ' י , י; יהו' ד , ז; זכ' ו , יד. (טו) הראשון - ס"ג (מלא וחסר , אינו כולל 'הראישון'): ראה שמ' ד , ח. הראשון - ס"ד (מנין זה כולל גם 'הראישון' - איוב טו , ז). הראשן - ב' חסר (בלישנא): שמ' יב , טו , יח. השבעי - ג' חסר בתורה: *שמ' יב , טו; טז , ל; וי' כה , ט. השבעי - ח' חסר: שמ' יב , טו; טז , ל; וי' כה , ט; דה"א ב , טו; יב , יב; כד , י; כה , יד; דה"ב ה , ג. (טז) הראשון - ס"ג (מלא וחסר , אינו כולל 'הראישון'): ראה שמ' ד , ח. הראשון - ס"ד (מנין זה כולל גם 'הראישון' - איוב טו , ז). מלאכה... יעשה - ד' (כולל: בשינוי סדר המלים ובחציצה של מלה אחת): *שמ' יב , טז; לא , טו; וי' ז , כד; יא , לב. יעשה - ל"ו: ראה שמ' ב , ד. (יח) בראשן - ב' חסר (בלישנא): שמ' יב , טו , יח. לחדש בערב - ד': שמ' יב , יח (פעמיים); וי' כג , לב; יהו' ה , י. מצת - ד' חסר: שמ' יב , יח; יג , ו; כט , ב; וי' ב , ד. (יט) מעדת ישראל - י"א (בלישנא): ראה לעיל , ג. (כא) ושחטו - ב' (בפתח): שמ' יב , כא; דה"ב לה , ו. (כב) ולקחתם - ו': בר' מד , כט; שמ' יב , כב; וי' כג , מ; במ' יג , כ; יהו' ו , יח; ש"א ו , ח. אזוב - ג' מלא (בתורה , בלישנא): *שמ' יב , כב; *במ' יט , ו , יח. אל - המשקוף - ו' זוגין מן ג' , חד 'אל' וחד 'על' וחד 'ועל' מיחדין: ראה לעיל , ז. המשקוף - ג': שמ' יב , ז , כב , כג. המזוזת - ב' כתיב כן (בלישנא): כל שמות (שמ' יב , ז , כב , כג); מש' ח , לד. (כג) על - המשקוף - ו' זוגין מן ג' , חד 'אל' וחד 'על' וחד 'ועל' מיחדין: ראה לעיל , ז. המשקוף - ג': שמ' יב , ז , כב , כג. המזוזת - ב' כתיב כן (בלישנא): כל שמות (שמ' יב , ז , כב , כג); מש' ח , לד. ולא יתן - ג': שמ' יב , כג; *וי' ה , יא; *במ' ה , טו. לבא - ט' חסר: *בר' מח , ז; שמ' יב , כג; במ' יג , כא; לד , ח; דב' ט , א; יא , לא; כ , יט; שו' יח , ט; יר' מב , טו. (כח) משה ואהרן - כ"ח (בתורה): ראה שמ' ד , כט. (כט) בחצי הלילה - ג': *שמ' יב , כט; שו' טז , ג; רות ג , ח. ויי' - כ"ב בתורה: ראה שמ' ט , כג. בבית הבור - ה' זוגין מן ב' ב' מיחדין , חד 'בבית' וחד 'בית': שמ' יב , כט; יר' לז , טז. - מ"ב טו , ה; דה"ב כו , כא. - מי' ו , י; מש' ג , לג. - קה' ז , ב , ד. - *אס' א , ט; ה , א. וכל בכור - ד': שמ' יא , ה; יב , כט; יג , יג , טו. (ל) וכל - ח' פסוקים 'וכל וכל' ומלה אחת ביניהן: ראה שמ' א , ו. וכל - עבדיו - ז': *שמ' יב , ל; ש"א יח , כב; כב , ו; ש"ב יג , לא , לו; טו , יח; יר' לו , כד. צעקה - ה': ראה שמ' יא , ו. אין - י"ו פסוקים 'אין אין' באמצעי הפסוקים: שמ' יב , ל; וי' יג , לא; ש"א כא , י; יש' מ , טז; נט , טז; יר' ח , יט , כב; מט , א; מל' א , ח; תה' יד , א , ג; נג , ב , ד; מש' כה , כח; איוב ט , י; קה' ג , יד. (לא) גם - י' פסוקים בתורה 'גם גם' ומלה אחת ביניהם: ראה שמ' ה , יד. קומו צאו - ב': בר' יט , יד; שמ' יב , לא. (לב) גם - ד' ראשי פסוקים בתורה: *בר' ז , ג; שמ' יב , לב; דב' א , לז; כח , סא. גם - י"ב פסוקים 'גם גם גם' (בדילוגים קצרים): ראה שמ' ד , י. ולכו - ג': בר' מב , לג; שמ' יב , לב; ש"א כט , י. (לג) על - העם - ח': שמ' יב , לג; יח , כה; כד , ח; במ' יז , יב; ש"א יא , ז; מ"א ה , כא; יד , ב; דה"ב לב , ו. וכל עזרא (ונחמיה) דכותהון. למהר - ג': *שמ' יב , לג; יש' ח , א; דה"א יב , ט. לשלחם - ג': *בר' יח , טז; *שמ' י , כז; יב , לג. (לד) צררת - ב': *שמ' יב , לד; ש"ב כ , ג. וחד: צרֹרות - בר' מב , לה. (לו) ויי' - כ"ב בתורה: ראה שמ' ט , כג. בעיני - ל"ג בתורה: ראה שמ' ג , כא. וינצלו - ב': *שמ' יב , לו; דה"ב כ , כה. (לז) סכתה - ב': *בר' לג , יז; *שמ' יב , לז. (לח) וגם - י"ג ראשי פסוקים בתורה: ראה שמ' ו , ד. עֵרב - ב' (בצירה): *שמ' יב , לח; *נחמ' יג , ג. אתם - ל"א: ראה שמ' ו , ד. אתם - ל"ז: ראה שמ' ו , ד. וצאן ובקר - ב': שמ' יב , לח; מ"ב ה , כו. (לט) לא - י"ז פסוקים 'לא ולא לא' באמצעי הפסוקים: ראה שמ' ד , א. (מא) צבאות - ג': *שמ' יב , מא; מ"א ב , ה; יר' ג , יט. (מב) שמרים - ב' וחסר: שמ' יב , מב (פעמיים). (מג) משה ואהרן - כ"ח (בתורה): ראה שמ' ד , כט. (מד) וכל - ח' ראשי פסוקים בסיפרא: *שמ' יב , מד; יג , יג; כ , טו; לה , י , כג , כה , כו; לח , כ. (מו) בבית - ו' (רפין): שמ' יב , מו; ש"ב ז , ו; מ"א ג , יז; יש' ה , ח; עמ' ו , ט; דה"א יז , ה. (מז) עדת ישראל - י"א (בלישנא): ראה לעיל , ג. (מח) אִתְךָ - י"ו בתורה: בר' ח , יז; כו , כד; מ , יד; שמ' יב , מח; יז , ה; כה , כב; לד , כז; וי' י , טו; יט , יג , לג; במ' יא , יז; יח , ז , יא , יט; דב' י , כא; כח , ח. ואז - ד': שמ' יב , מח; וי' כו , מא; יהו' א , ח; יר' לב , ב. לעשתו - ה' (וחסר): *בר' מא , לב; שמ' יב , מח; דב' ל , יד; יר' א , יב; דה"ב ל , ג. כאזרח - ד' , ג' בקמץ וחד בפתח: *שמ' יב , מח; וי' יט , לד; יח' מז , כב; תה' לז , לה. (מט) בתוככם - י"ב בתורה (מלא וחסר): בר' כג , ט; לה , ב; שמ' יב , מט; וי' טז , כט; יז , יב; יח , כו; כ , יד; כו , יא , יב , כה; במ' טו , יד; לב , ל.