מאגר הכתר שמות פרק ו עם עין המסורה

פרק ו
[א] וַיֹּ֤אמֶר יְהוָה֙ אֶל־מֹשֶׁ֔ה עַתָּ֣ה תִרְאֶ֔ה אֲשֶׁ֥ר אֶעֱשֶׂ֖ה לְפַרְעֹ֑ה כִּ֣י בְיָ֤ד חֲזָקָה֙ יְשַׁלְּחֵ֔ם וּבְיָ֣ד חֲזָקָ֔ה יְגָרְשֵׁ֖ם מֵאַרְצֽוֹ: ס
{פרשת וארא} [ב] וַיְדַבֵּ֥ר אֱלֹהִ֖ים אֶל־מֹשֶׁ֑ה וַיֹּ֥אמֶר אֵלָ֖יו אֲנִ֥י יְהוָֽה:
[ג] וָאֵרָ֗א אֶל־אַבְרָהָ֛ם אֶל־יִצְחָ֥ק וְאֶֽל־יַעֲקֹ֖ב בְּאֵ֣ל שַׁדָּ֑י וּשְׁמִ֣י יְהוָ֔ה לֹ֥א נוֹדַ֖עְתִּי לָהֶֽם:
[ד] וְגַ֨ם הֲקִמֹ֤תִי אֶת־בְּרִיתִי֙ אִתָּ֔ם לָתֵ֥ת לָהֶ֖ם אֶת־אֶ֣רֶץ כְּנָ֑עַן אֵ֛ת אֶ֥רֶץ מְגֻרֵיהֶ֖ם אֲשֶׁר־גָּ֥רוּ בָֽהּ:
[ה] וְגַ֣ם׀ אֲנִ֣י שָׁמַ֗עְתִּי אֶֽת־נַאֲקַת֙ בְּנֵ֣י יִשְׂרָאֵ֔ל אֲשֶׁ֥ר מִצְרַ֖יִם מַעֲבִדִ֣ים אֹתָ֑ם וָאֶזְכֹּ֖ר אֶת־בְּרִיתִֽי:
[ו] לָכֵ֞ן אֱמֹ֥ר לִבְנֵֽי־יִשְׂרָאֵל֘ אֲנִ֣י יְהוָה֒ וְהוֹצֵאתִ֣י אֶתְכֶ֗ם מִתַּ֙חַת֙ סִבְלֹ֣ת מִצְרַ֔יִם וְהִצַּלְתִּ֥י אֶתְכֶ֖ם מֵעֲבֹדָתָ֑ם וְגָאַלְתִּ֤י אֶתְכֶם֙ בִּזְר֣וֹעַ נְטוּיָ֔ה וּבִשְׁפָטִ֖ים גְּדֹלִֽים:
[ז] וְלָקַחְתִּ֨י אֶתְכֶ֥ם לִי֙ לְעָ֔ם וְהָיִ֥יתִי לָכֶ֖ם לֵאלֹהִ֑ים וִידַעְתֶּ֗ם כִּ֣י אֲנִ֤י יְהוָה֙ אֱלֹ֣הֵיכֶ֔ם הַמּוֹצִ֣יא אֶתְכֶ֔ם מִתַּ֖חַת סִבְל֥וֹת מִצְרָֽיִם:
[ח] וְהֵבֵאתִ֤י אֶתְכֶם֙ אֶל־הָאָ֔רֶץ אֲשֶׁ֤ר נָשָׂ֙אתִי֙ אֶת־יָדִ֔י לָתֵ֣ת אֹתָ֔הּ לְאַבְרָהָ֥ם לְיִצְחָ֖ק וּֽלְיַעֲקֹ֑ב וְנָתַתִּ֨י אֹתָ֥הּ לָכֶ֛ם מוֹרָשָׁ֖ה אֲנִ֥י יְהוָֽה:
[ט] וַיְדַבֵּ֥ר מֹשֶׁ֛ה כֵּ֖ן אֶל־בְּנֵ֣י יִשְׂרָאֵ֑ל וְלֹ֤א שָֽׁמְעוּ֙ אֶל־מֹשֶׁ֔ה מִקֹּ֣צֶר ר֔וּחַ וּמֵעֲבֹדָ֖ה קָשָֽׁה: פ
[י] וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר:
[יא] בֹּ֣א דַבֵּ֔ר אֶל־פַּרְעֹ֖ה מֶ֣לֶךְ מִצְרָ֑יִם וִישַׁלַּ֥ח אֶת־בְּנֵֽי־יִשְׂרָאֵ֖ל מֵאַרְצֽוֹ:
[יב] וַיְדַבֵּ֣ר מֹשֶׁ֔ה לִפְנֵ֥י יְהוָ֖ה לֵאמֹ֑ר הֵ֤ן בְּנֵֽי־יִשְׂרָאֵל֙ לֹא־שָׁמְע֣וּ אֵלַ֔י וְאֵיךְ֙ יִשְׁמָעֵ֣נִי פַרְעֹ֔ה וַאֲנִ֖י עֲרַ֥ל שְׂפָתָֽיִם: פ
[יג] וַיְדַבֵּ֣ר יְהוָה֘ אֶל־מֹשֶׁ֣ה וְאֶֽל־אַהֲרֹן֒ וַיְצַוֵּם֙ אֶל־בְּנֵ֣י יִשְׂרָאֵ֔ל וְאֶל־פַּרְעֹ֖ה מֶ֣לֶךְ מִצְרָ֑יִם לְהוֹצִ֥יא אֶת־בְּנֵֽי־יִשְׂרָאֵ֖ל מֵאֶ֥רֶץ מִצְרָֽיִם: ס
[שני] [יד] אֵ֖לֶּה רָאשֵׁ֣י בֵית־אֲבֹתָ֑ם בְּנֵ֨י רְאוּבֵ֜ן בְּכֹ֣ר יִשְׂרָאֵ֗ל חֲנ֤וֹךְ וּפַלּוּא֙ חֶצְרֹ֣ן וְכַרְמִ֔י אֵ֖לֶּה מִשְׁפְּחֹ֥ת רְאוּבֵֽן:
[טו] וּבְנֵ֣י שִׁמְע֗וֹן יְמוּאֵ֨ל וְיָמִ֤ין וְאֹ֙הַד֙ וְיָכִ֣ין וְצֹ֔חַר וְשָׁא֖וּל בֶּן־הַֽכְּנַעֲנִ֑ית אֵ֖לֶּה מִשְׁפְּחֹ֥ת שִׁמְעֽוֹן:
[טז] וְאֵ֨לֶּה שְׁמ֤וֹת בְּנֵֽי־לֵוִי֙ לְתֹ֣לְדֹתָ֔ם גֵּרְשׁ֕וֹן וּקְהָ֖ת וּמְרָרִ֑י וּשְׁנֵי֙ חַיֵּ֣י לֵוִ֔י שֶׁ֧בַע וּשְׁלֹשִׁ֛ים וּמְאַ֖ת שָׁנָֽה:
[יז] בְּנֵ֥י גֵרְשׁ֛וֹן לִבְנִ֥י וְשִׁמְעִ֖י לְמִשְׁפְּחֹתָֽם:
[יח] וּבְנֵ֣י קֳהָ֔ת עַמְרָ֣ם וְיִצְהָ֔ר וְחֶבְר֖וֹן וְעֻזִּיאֵ֑ל וּשְׁנֵי֙ חַיֵּ֣י קֳהָ֔ת שָׁלֹ֧שׁ וּשְׁלֹשִׁ֛ים וּמְאַ֖ת שָׁנָֽה:
[יט] וּבְנֵ֥י מְרָרִ֖י מַחְלִ֣י וּמוּשִׁ֑י אֵ֛לֶּה מִשְׁפְּחֹ֥ת הַלֵּוִ֖י לְתֹלְדֹתָֽם:
[כ] וַיִּקַּ֨ח עַמְרָ֜ם אֶת־יוֹכֶ֤בֶד דֹּֽדָתוֹ֙ ל֣וֹ לְאִשָּׁ֔ה וַתֵּ֣לֶד ל֔וֹ אֶֽת־אַהֲרֹ֖ן וְאֶת־מֹשֶׁ֑ה וּשְׁנֵי֙ חַיֵּ֣י עַמְרָ֔ם שֶׁ֧בַע וּשְׁלֹשִׁ֛ים וּמְאַ֖ת שָׁנָֽה:
[כא] וּבְנֵ֖י יִצְהָ֑ר קֹ֥רַח וָנֶ֖פֶג וְזִכְרִֽי:
[כב] וּבְנֵ֖י עֻזִּיאֵ֑ל מִישָׁאֵ֥ל וְאֶלְצָפָ֖ן וְסִתְרִֽי:
[כג] וַיִּקַּ֨ח אַהֲרֹ֜ן אֶת־אֱלִישֶׁ֧בַע בַּת־עַמִּינָדָ֛ב אֲח֥וֹת נַחְשׁ֖וֹן ל֣וֹ לְאִשָּׁ֑ה וַתֵּ֣לֶד ל֗וֹ אֶת־נָדָב֙ וְאֶת־אֲבִיה֔וּא אֶת־אֶלְעָזָ֖ר וְאֶת־אִיתָמָֽר:
[כד] וּבְנֵ֣י קֹ֔רַח אַסִּ֥יר וְאֶלְקָנָ֖ה וַאֲבִיאָסָ֑ף אֵ֖לֶּה מִשְׁפְּחֹ֥ת הַקָּרְחִֽי:
[כה] וְאֶלְעָזָ֨ר בֶּֽן־אַהֲרֹ֜ן לָקַֽח־ל֨וֹ מִבְּנ֤וֹת פּֽוּטִיאֵל֙ ל֣וֹ לְאִשָּׁ֔ה וַתֵּ֥לֶד ל֖וֹ אֶת־פִּֽינְחָ֑ס אֵ֗לֶּה רָאשֵׁ֛י אֲב֥וֹת הַלְוִיִּ֖ם לְמִשְׁפְּחֹתָֽם:
[כו] ה֥וּא אַהֲרֹ֖ן וּמֹשֶׁ֑ה אֲשֶׁ֨ר אָמַ֤ר יְהוָה֙ לָהֶ֔ם הוֹצִ֜יאוּ אֶת־בְּנֵ֧י יִשְׂרָאֵ֛ל מֵאֶ֥רֶץ מִצְרַ֖יִם עַל־צִבְאֹתָֽם:
[כז] הֵ֗ם הַֽמְדַבְּרִים֙ אֶל־פַּרְעֹ֣ה מֶלֶךְ־מִצְרַ֔יִם לְהוֹצִ֥יא אֶת־בְּנֵֽי־יִשְׂרָאֵ֖ל מִמִּצְרָ֑יִם ה֥וּא מֹשֶׁ֖ה וְאַהֲרֹֽן:
[כח] וַיְהִ֗י בְּי֨וֹם דִּבֶּ֧ר יְהוָ֛ה אֶל־מֹשֶׁ֖ה בְּאֶ֥רֶץ מִצְרָֽיִם: ס
[שלישי] [כט] וַיְדַבֵּ֧ר יְהוָ֛ה אֶל־מֹשֶׁ֥ה לֵּאמֹ֖ר אֲנִ֣י יְהוָ֑ה דַּבֵּ֗ר אֶל־פַּרְעֹה֙ מֶ֣לֶךְ מִצְרַ֔יִם אֵ֛ת כָּל־אֲשֶׁ֥ר אֲנִ֖י דֹּבֵ֥ר אֵלֶֽיךָ:
[ל] וַיֹּ֥אמֶר מֹשֶׁ֖ה לִפְנֵ֣י יְהוָ֑ה הֵ֤ן אֲנִי֙ עֲרַ֣ל שְׂפָתַ֔יִם וְאֵ֕יךְ יִשְׁמַ֥ע אֵלַ֖י פַּרְעֹֽה: פ

פרק ו
(א) עתה תראה - ב': שמ' ו , א; במ' יא , כג. (ב) וידבר אלהים - ג': בר' ח , טו; שמ' ו , ב; כ , א. (ד) וגם - י"ג ראשי פסוקים בתורה: בר' יג , ה; טו , יד; כ , יב; כא , יג; שמ' ו , ד , ה; י , כו; יב , לח; יט , כב; וי' כה , מה; במ' יח , ב; דב' ב , טו; ז , כ. הקימתי - ג' בטעמא (מלעיל , חסר ומלא): בר' ט , יז; שמ' ו , ד; ש"א טו , יג. אתם - ל"א: בר' ז , יג; יא , לא; יד , ח; מ , ד; מג , טז; שמ' ו , ד; יב , לח; וי' טז , טז; כו , לט , מד; במ' כב , כ; לב , יט; דב' כח , סט; שו' כ , כ; ש"א כה , טו; ש"ב יב , יז; מ"א כ , כג; מ"ב ו , ד; יז , לה; כב , ז; יש' יד , כ; ל , ח; ס , ט; סה , כג; יר' כז , יח; יח' ל , ה; לד , ל; לח , ה; מש' א , טו; כד , א; דה"ב כב , יב. וכל דיבור דכותהון: בר' כג , ח; לד , ח; מב , ז; שמ' לד , לג; יהו' כב , טו; דנ' א , יט; בר מן ו' ('אותם'): במ' כו , ג; יר' א , טז; ד , יב; ה , ה; לה , ב; יח' יד , ד. אתם - ל"ז: ראה ההערה הקודמת; אך כאן כל 'דבור אתם' נמנה כמקרה נפרד. מגריהם - ד' , חד חסר וג' מלא: בר' לו , ז; מז , ט; שמ' ו , ד; יח' כ , לח. (ה) וגם - י"ג ראשי פסוקים בתורה: ראה לעיל , ד. וגם אני שמעתי - ב': שמ' ו , ה; דה"ב לד , כז. (ו) לכן אמר - ב' ראשי פסוקים בתורה: שמ' ו , ו; במ' כה , יב. סבלת - ב' , חד חסר (ואחד מלא): שמ' ו , ו , ז. בזרוע - ג' מלא בתורה (בלישנא): *שמ' ו , ו; דב' ד , לד; לג , כ. וכל נביאייא וכתיבייא דכותהון בר מן ג' (חסר): ש"א ב , לא; יש' כח , כד; יח' יז , ט. (ז) כי אני יי' אלהיכם - י': שמ' ו , ז; טז , יב; וי' יא , מד; כ , ז; כד , כב; כה , יז; כו , א; דב' כט , ה; יח' כ , כ; יואל ד , יז. סבלות - ב' , חד מלא וחד חסר: שמ' ו , ו , ז. (ח) נשאתי - י"ט: בר' יט , כא; שמ' ו , ח; במ' יד , ל; טז , טו; יר' לא , יח; יח' יב , ז; כ , ו , טו , כג , כח , מב; לו , ז; מד , יב; מז , יד; תה' סט , ח; פח , טז; קכג , א; קמג , ח; איוב לד , לא. מורשה - ג': שמ' ו , ח; דב' לג , ד; יח' לו , ג. (ט) וידבר משה - י"א זוגין מן ב' בענינא בטעמא , חד זקף לרומא וחד נחית לתהומא (כלומר: זוגות של שתי מלים או צירופי מלים זהים בקטע אחד או בהקשרים דומים , המוטעמים פעם בטעם , שסימנו הגראפי בא מעל לאות , והוא לרוב זקף; ופעם בטעם הבא מתחת לאות , והוא לרוב תביר; ושניהם מהווים גם הדרכה מוסיקלית באשר לגובה הצליל או נמיכותו , בו תיקרא המלה): שמ' ו , ט , יב. - *וי' כג , יב , יט. - כו , לט , מ. - יהו' א , א; שו' א , א. - ש"א ב , כו; ג , א. - ש"ב ו , ז; דה"א יג , י. - ש"ב ח , ג; דה"א יח , ג. - מ"ב כא , ח; דה"ב לג , ח. - יח' ד , יא , טז. - חב' א , ז; זכ' י , ד. - עז' ב , א; נחמ' ז , ו. (יב) וידבר משה - י"א זוגין (בטעמא): ראה לעיל , ט. (יג) וידבר יי' - ב' בטעמא (מונח וזרקא): שמ' ו , יג; במ' יח , ח. וידבר יי' אל - משה ואל - אהרן - י"א: שמ' ו , יג; וי' יא , א; יג , א; יד , לג; טו , א; *במ' ב , א; ד , א , יז; יד , כו; טז , כ; יט , א. ויצום - ד': *שמ' ו , יג; לד , לב; מ"ב יא , ה; יז , לה. (יד) בכר - ו' חסר בתורה: בר' כה , יג; מו , ח; *שמ' ו , יד; במ' א , כ; ג , מ , מא. (טו) ואהד - ב' חסר: בר' מו , י; שמ' ו , טו. (טז) ואלה שמות - י' בתורה: ראה שמ' א , א. לתלדתם - ב' חסר (בתורה): שמ' ו , טז , יט. וקהת ומררי - ב': שמ' ו , טז; במ' ג , יז. (יח) ובני קהת - ה' פסוקים דמיין (בשמותיהם אך שונים בשימוש בו"ו החיבור): שמ' ו , יח; במ' ג , יט; דה"א ה , כח; ו , ג; כג , יב. (יט) לתלדתם - ב' חסר בתורה: שמ' ו , טז , יט. (כ) ואת - משה - ב': שמ' ו , כ; במ' כו , נט. (כג) את - ד' פסוקים דמיין דאית בהון 'את את ואת את ואת': שמ' ו , כג; מ"א טו , כב; יר' ג , כד; דה"ב טז , ו. (כו) הוא - ה' צדיקים בחד לישנא (חמישה מקרים בהם באה מלת '(ו)הוא' לפני שם אדם): שמ' ו , כו , כז; *עז' ז , ו; דה"א א , כז; דה"ב לב , ל. אהרן ומשה - ב' בתורה: שמ' ו , כו; במ' ג , א. אשר אמר יי' להם - ג': שמ' ו , כו; *מ"ב יז , יב; תה' קו , לד. אמר יי' להם - ד': שמ' ו , כו; במ' כו , סה; מ"ב יז , יב; תה' קו , לד. (כז) הוא - ה' צדיקים בחד לישנא: ראה לעיל , כו. משה ואהרן - כ"ח (בתורה): ראה שמ' ד , כט. (כט) אני דבר אליך - ב': שמ' ו , כט; יר' לח , כ. (ל) הן אני - ד': *שמ' ו , ל; יש' מט , כא; נו , ג; איוב לג , ו.