מאגר הכתר תהלים פרק קנ טקסט ניקוד וטעמים

פרק קנ
[א] הַ֥לֲלוּ יָ֨הּ׀ פ
הַֽלֲלוּ־אֵ֥ל בְּקָדְשׁ֑וֹ הַֽ֝לֲל֗וּהוּ בִּרְקִ֥יעַ עֻזּֽוֹ:
[ב] הַלֲל֥וּהוּ בִגְבוּרֹתָ֑יו הַ֝לֲל֗וּהוּ כְּרֹ֣ב גֻּדְלֽוֹ:
[ג] הַ֭לֲלוּהוּ בְּתֵ֣קַע שׁוֹפָ֑ר הַ֝לֲל֗וּהוּ בְּנֵ֣בֶל וְכִנּֽוֹר:
[ד] הַ֭לֲלוּהוּ בְּתֹ֣ף וּמָח֑וֹל הַֽ֝לֲל֗וּהוּ בְּמִנִּ֥ים וְעֻגָֽב:
[ה] הַלֲל֥וּהוּ בְצִלְצְלֵי־שָׁ֑מַע הַֽ֝לֲל֗וּהוּ בְּֽצִלְצְלֵ֥י תְרוּעָֽה:
[ו] כֹּ֣ל הַ֭נְּשָׁמָה תְּהַלֵּ֥ל יָ֗הּ הַֽלֲלוּ־יָֽהּ: