מאגר הכתר קהלת פרק יב עם תרגום מגילות

פרק יב
[א] וּזְכֹר֙ אֶת־בּ֣וֹרְאֶ֔יךָ בִּימֵ֖י בְּחוּרֹתֶ֑יךָ עַ֣ד אֲשֶׁ֤ר לֹא־יָבֹ֙אוּ֙ יְמֵ֣י הָרָעָ֔ה וְהִגִּ֣יעוּ שָׁנִ֔ים אֲשֶׁ֣ר תֹּאמַ֔ר אֵֽין־לִ֥י בָהֶ֖ם חֵֽפֶץ:
[ב] עַ֠ד אֲשֶׁ֨ר לֹֽא־תֶחְשַׁ֤ךְ הַשֶּׁ֙מֶשׁ֙ וְהָא֔וֹר וְהַיָּרֵ֖חַ וְהַכּוֹכָבִ֑ים וְשָׁ֥בוּ הֶעָבִ֖ים אַחַ֥ר הַגָּֽשֶׁם:
[ג] בַּיּ֗וֹם שֶׁיָּזֻ֙עוּ֙ שֹׁמְרֵ֣י הַבַּ֔יִת וְהִֽתְעַוְּת֖וּ אַנְשֵׁ֣י הֶחָ֑יִל וּבָטְל֤וּ הַטֹּֽחֲנוֹת֙ כִּ֣י מִעֵ֔טוּ וְחָשְׁכ֥וּ הָרֹא֖וֹת בָּאֲרֻבּֽוֹת:
[ד] וְסֻגְּר֤וּ דְלָתַ֙יִם֙ בַּשּׁ֔וּק בִּשְׁפַ֖ל ק֣וֹל הַֽטַּחֲנָ֑ה וְיָקוּם֙ לְק֣וֹל הַצִּפּ֔וֹר וְיִשַּׁ֖חוּ כָּל־בְּנ֥וֹת הַשִּֽׁיר:
[ה] גַּ֣ם מִגָּבֹ֤הַּ יִרָ֙אוּ֙ וְחַתְחַתִּ֣ים בַּדֶּ֔רֶךְ וְיָנֵ֤אץ הַשָּׁקֵד֙ וְיִסְתַּבֵּ֣ל הֶחָגָ֔ב וְתָפֵ֖ר הָאֲבִיּוֹנָ֑ה כִּֽי־הֹלֵ֤ךְ הָאָדָם֙ אֶל־בֵּ֣ית עוֹלָמ֔וֹ וְסָבֲב֥וּ בַשּׁ֖וּק הַסּוֹפְדִֽים:
[ו] עַ֣ד אֲשֶׁ֤ר לֹֽא־יֵרָחֵק֙ יֵרָתֵק֙ חֶ֣בֶל הַכֶּ֔סֶף וְתָרֻ֖ץ גֻּלַּ֣ת הַזָּהָ֑ב וְתִשָּׁ֤בֶר כַּד֙ עַל־הַמַּבּ֔וּעַ וְנָרֹ֥ץ הַגַּלְגַּ֖ל אֶל־הַבּֽוֹר:
[ז] וְיָשֹׁ֧ב הֶעָפָ֛ר עַל־הָאָ֖רֶץ כְּשֶׁהָיָ֑ה וְהָר֣וּחַ תָּשׁ֔וּב אֶל־הָאֱלֹהִ֖ים אֲשֶׁ֥ר נְתָנָֽהּ:
[ח] הֲבֵ֧ל הֲבָלִ֛ים אָמַ֥ר הַקּוֹהֶ֖לֶת הַכֹּ֥ל הָֽבֶל:
[ט] וְיֹתֵ֕ר שֶׁהָיָ֥ה קֹהֶ֖לֶת חָכָ֑ם ע֗וֹד לִמַּד־דַּ֙עַת֙ אֶת־הָעָ֔ם וְאִזֵּ֣ן וְחִקֵּ֔ר תִּקֵּ֖ן מְשָׁלִ֥ים הַרְבֵּֽה:
[י] בִּקֵּ֣שׁ קֹהֶ֔לֶת לִמְצֹ֖א דִּבְרֵי־חֵ֑פֶץ וְכָת֥וּב יֹ֖שֶׁר דִּבְרֵ֥י אֱמֶֽת:
[יא] דִּבְרֵ֤י חֲכָמִים֙ כַּדָּ֣רְבֹנ֔וֹת וּֽכְמַשְׂמְר֥וֹת נְטוּעִ֖ים בַּעֲלֵ֣י אֲסֻפּ֑וֹת נִתְּנ֖וּ מֵרֹעֶ֥ה אֶחָֽד:
[יב] וְיֹתֵ֥ר מֵהֵ֖מָּה בְּנִ֣י הִזָּהֵ֑ר עֲשׂ֨וֹת סְפָרִ֤ים הַרְבֵּה֙ אֵ֣ין קֵ֔ץ וְלַ֥הַג הַרְבֵּ֖ה יְגִעַ֥ת בָּשָֽׂר:
[יג] ס֥וֹף דָּבָ֖ר הַכֹּ֣ל נִשְׁמָ֑ע אֶת־הָאֱלֹהִ֤ים יְרָא֙ וְאֶת־מִצְוֺתָ֣יו שְׁמ֔וֹר כִּי־זֶ֖ה כָּל־הָאָדָֽם:
[יד] כִּ֚י אֶת־כָּל־מַֽעֲשֶׂ֔ה הָאֱלֹהִ֛ים יָבִ֥א בְמִשְׁפָּ֖ט עַ֣ל כָּל־נֶעְלָ֑ם אִם־ט֖וֹב וְאִם־רָֽע:

פרק יב
[א] וּתהֵי דְכִיר יָת בָּריָיך לְיַקָרוּתֵיהּ בְּיוֹמֵי רְבוּתָך עַד דְּלָא יֵיתוֹן לְוָתָך יוֹמֵי בִישׁתָּא וְיִמטוֹן עֲלָך יוֹמִין דְּתֵימַר לֵית לִי בְהוֹן רַעֲוָא :
[ב] עַד דְּלָא יִשׁתַּנֵי זִיו יְקָרָא דְאַפָּך דִּמתִיל לְשִׁמשָׁא וּנהוֹרָא דְעֵינָך עַד דְּלָא יִסתַּמוֹן וַהֲדַר לִיסתָּך עַד דְּלָא יִתקַדְּרוּן וּבָבֵי עֵינָך דִּמתִילִין לְכוֹכְבַיָא עַד דְּלָא יִתעָמְמוּן וְרֵיסֵי עֵינָך יְהוֹן זָלְגִין דִּמעִין כַּעֲנָנִין בָּתַר מִטרָא :
[ג] בְּיוֹמָא דִּיזוּעוּן אַרכֻּבָּתָך וְיִתנַקשׁוּן אֶדרָעָך וְיִתבַּטְלוּן כַּכֵּי פוּמָך עַד דְּלָא יָכְלִין לְמִלעַס מֵיכְלָא וְיִתעָמְמוּן עֵינָך דְּמִסתַּכְּלָן בַּחֲרַכֵּי רֵישָׁך :
[ד] וִיהוֹן רַגלָך כְּבִילָן מִלְמִיפַּק בְּשׁוּקָא וְיִעדֵּי מִינָך רְעוּת מֵיכְלָא וּתהֵי מִיתְּעַר מִשִׁנתָּך עַל עֵיסַק קָל עוֹפָא כְּאִלוּ עַל קָל גַּנָבַיָא דְאָזְלִין בְּלֵילְיָא וְיִתרָפְפוּן סִפוָותָך מִלְמֵימַר שִׁירָתָא :
[ה] אַף מִן עוּבָדִין דִּיהוֹן מִן קַדמַת דְּנָא תְּהֵי דָּחֵיל לְמִדכַר יָתְהוֹן וְגַבשׁוֹשִׁיתָא קַלִילָא מְתִילָא בְאַנפֵּי נַפשָׁך לְטוּר רָם בְּעִידָּן מַהֲלָכָך בְּאוֹרחָא וְתֵיצִיץ רֵישׁ שְׁזַרתָּך מִן כַּחשׁוּתָא כְשִׁגדָּא וְיִתנַפְּחוּן אִסתְּוָורֵי רַגלָך וְתִתמְנַע מִן מִשׁכְּבָא אֲרוּם אִתפְּנִי אֱנָשָׁא לִמהָך לְבֵית קְבוּרְתֵיהּ וִיסַחֲרוּן מַלאֲכַיָא תָּבעֵי דִינָך כְּסָפְרַיָא דִמסַחֲרִין בְּשׁוּקָא לְמִכתַּב דִּין חוּשׁבָּנָך :
[ו] עַד דִּי לָא יִתאֲלַם לִישָׁנָך מִלְמַלָלָא וּתהֵי רְעִיעָא מוֹקְרָא דְרֵישָׁך וְתִתְּבַר מְרָרְתָך עַל כַּבדָּך וְיִרהַט גּוּפָך לְגוֹ קִברָך :
[ז] וִיתוּב בִּסרָך דְּאִתבְּרִי מִן עַפרָא עִלָוֵי דְאַרעָא הֵיכְמָה דַהֲוָה מִלְקַדמִין וְרוּחַ נִשׁמְתָך תְּתוּב לִמקָם בְּדִינָא קֳדָם יְיָ דְּיַהבַּהּ לָך :
[ח] כַּד אִסתַּכַּל שְׁלֹמֹה מַלכָּא דְיִשׂרָאֵל בְּהַבלוּ דְעָלְמָא הָדֵין וּבהַבלִין דְּעָבְדִין בְּנֵי אֱנָשָׁא אֲמַר קֹהֶלֶת בְּמֵימְרֵיהּ כּוֹלָא הַבלוּ :
[ט] וְיַתִּיר מִן כָּל בְּנֵי אֱנָשָׁא הֲוָה שְׁלֹמֹה דְמִתקְרִי קֹהֶלֶת חַכִּים וְתוּב הֲוָה מְאַלֵיף מַנדְּעָא יָת עַמָא בֵית יִשׂרָאֵל וְאַצֵית לְכָל חַכִּימַיָא וּבלַשׁ בְּסִפרֵי חָכמְתָא וּברוּחַ נְבוּאָה מִן קֳדָם יְיָ תַּקֵין סִפרֵי חָכמְתָא וּמַתלִין דְּסֻכלְתָנוּ סַגִּיאִין לַחדָּא :
[י] בְּעָא שְׁלֹמֹה מַלכָּא דְמִתקְרִי קֹהֶלֶת בְּחָכמְתֵיהּ לִמדָּן דִּינֵי עַל הִרהוּרֵי לִיבָּא דֶאֱנָשָׁא וּבלָא סָהֲדִין בְּכֵין אִתאֲמַר לֵיהּ בְּרוּחַ נְבוּאָה מִן קֳדָם יְיָ הַא כְבָר אִתכְּתִיב בִּספַר אוֹרָיתָא עַל יְדוֹי מֹשֶׁה רִבְּהוֹן דְּיִשׂרָאֵל פִּתגָמִין תָּקְנִין וּמהֵימְנִין עַל מֵימַר סָהֲדַיָא יְקוּם פִּתגָם :
[יא] פִּתגָמֵי חַכִּימִין מְתִילִין לְזִקְתָא וּלקִלשׁוֹנִין דְּאָנְצִין לְאַלָפָא חָכמְתָא לִסרִיקֵי מַנדְּעָא הֵיכְמָה דִמאַלֵיף זִיקָא לְתוֹרְתָא וְרַבָּנֵי סַנהֶדרִין מָרֵי הִלכְּתִין וּמִדרָשִׁין דְּאִתיְהִיבוּ עַל יְדוֹי דְּמֹשֶׁה נְבִיָא דַייָ דִּרעָא בִלחוֹדוֹי יָת עַמָא בֵית יִשׂרָאֵל בְּמַדבְּרָא בְּמַנָא וּברִיגּוּגִין :
[יב] וְיַתִּיר מִנְהוֹן בְּרִי אִזדְּהַר לְמֶעֱבַד סִפרֵי חָכמְתָא סַגִּי עַד לֵית סוֹף לְמִעסַק בְּפִתגָמֵי אוֹרָיתָא סַגִּי וּלאִסתַּכָּלָא בְלֵאוּת בִּסרָא :
[יג] סוֹף פִּתגָם דְּאִתעֲבֵיד בְּעָלְמָא בְצִנעָא כּוֹלָא עֲתִיד לְאִתפַּרסָמָא וּלאִשׁתְּמָעָא לְכָל בְּנֵי אֱנָשָׁא בְּגֵין כֵּין יָת מֵימְרָא דַייָ הֱוִי דָּחֵיל וְיָת פִּקוֹדוֹהִי הֱוִי נָטֵיר דְּלָא לִמחָב בְּסִתרָא וְאִין תְּחוּב הֱוִי זָהִיר לִמתָב אֲרוּם כְּדֵין חָמֵי לְמִהוֵי אוֹרַח כָּל אֱנָשׁ :
[יד] אֲרוּם יָת כָּל עוּבָדָא יְיָ יַעֵיל לְיוֹם דִּינָא רַבָּא דַּעֲתִיד לְפַרסָמָא עַל פִּתגָם דְּאִתכַּסִי מִן בְּנֵי אֱנָשָׁא אִין טָב וְאִין בִּישׁ :