מאגר הכתר אסתר פרק ב עם עין המסורה

פרק ב
[א] אַחַר֙ הַדְּבָרִ֣ים הָאֵ֔לֶּה כְּשֹׁ֕ךְ חֲמַ֖ת הַמֶּ֣לֶךְ אֲחַשְׁוֵר֑וֹשׁ זָכַ֤ר אֶת־וַשְׁתִּי֙ וְאֵ֣ת אֲשֶׁר־עָשָׂ֔תָה וְאֵ֥ת אֲשֶׁר־נִגְזַ֖ר עָלֶֽיהָ:
[ב] וַיֹּאמְר֥וּ נַעֲרֵֽי־הַמֶּ֖לֶךְ מְשָׁרְתָ֑יו יְבַקְשׁ֥וּ לַמֶּ֛לֶךְ נְעָר֥וֹת בְּתוּל֖וֹת טוֹב֥וֹת מַרְאֶֽה:
[ג] וְיַפְקֵ֨ד הַמֶּ֣לֶךְ פְּקִידִים֘ בְּכָל־מְדִינ֣וֹת מַלְכוּתוֹ֒ וְיִקְבְּצ֣וּ אֶת־כָּל־נַעֲרָֽה־בְ֠תוּלָה טוֹבַ֨ת מַרְאֶ֜ה אֶל־שׁוּשַׁ֤ן הַבִּירָה֙ אֶל־בֵּ֣ית הַנָּשִׁ֔ים אֶל־יַ֥ד הֵגֶ֛א סְרִ֥יס הַמֶּ֖לֶךְ שֹׁמֵ֣ר הַנָּשִׁ֑ים וְנָת֖וֹן תַּמְרֻקֵיהֶֽן:
[ד] וְהַֽנַּעֲרָ֗ה אֲשֶׁ֤ר תִּיטַב֙ בְּעֵינֵ֣י הַמֶּ֔לֶךְ תִּמְלֹ֖ךְ תַּ֣חַת וַשְׁתִּ֑י וַיִּיטַ֧ב הַדָּבָ֛ר בְּעֵינֵ֥י הַמֶּ֖לֶךְ וַיַּ֥עַשׂ כֵּֽן: פ
[ה] אִ֣ישׁ יְהוּדִ֔י הָיָ֖ה בְּשׁוּשַׁ֣ן הַבִּירָ֑ה וּשְׁמ֣וֹ מָרְדֳּכַ֗י בֶּ֣ן יָאִ֧יר בֶּן־שִׁמְעִ֛י בֶּן־קִ֖ישׁ אִ֥ישׁ יְמִינִֽי:
[ו] אֲשֶׁ֤ר הָגְלָה֙ מִיר֣וּשָׁלַ֔יִם עִם־הַגֹּלָה֙ אֲשֶׁ֣ר הָגְלְתָ֔ה עִ֖ם יְכָנְיָ֣ה מֶלֶךְ־יְהוּדָ֑ה אֲשֶׁ֣ר הֶגְלָ֔ה נְבוּכַדְנֶצַּ֖ר מֶ֥לֶךְ בָּבֶֽל:
[ז] וַיְהִ֨י אֹמֵ֜ן אֶת־הֲדַסָּ֗ה הִ֤יא אֶסְתֵּר֙ בַּת־דֹּד֔וֹ כִּ֛י אֵ֥ין לָ֖הּ אָ֣ב וָאֵ֑ם וְהַנַּעֲרָ֤ה יְפַת־תֹּ֙אַר֙ וְטוֹבַ֣ת מַרְאֶ֔ה וּבְמ֤וֹת אָבִ֙יהָ֙ וְאִמָּ֔הּ לְקָחָ֧הּ מָרְדֳּכַ֛י ל֖וֹ לְבַֽת:
[ח] וַיְהִ֗י בְּהִשָּׁמַ֤ע דְּבַר־הַמֶּ֙לֶךְ֙ וְדָת֔וֹ וּֽבְהִקָּבֵ֞ץ נְעָר֥וֹת רַבּ֛וֹת אֶל־שׁוּשַׁ֥ן הַבִּירָ֖ה אֶל־יַ֣ד הֵגָ֑י וַתִּלָּקַ֤ח אֶסְתֵּר֙ אֶל־בֵּ֣ית הַמֶּ֔לֶךְ אֶל־יַ֥ד הֵגַ֖י שֹׁמֵ֥ר הַנָּשִֽׁים:
[ט] וַתִּיטַ֨ב הַנַּעֲרָ֣ה בְעֵינָיו֘ וַתִּשָּׂ֣א חֶ֣סֶד לְפָנָיו֒ וַ֠יְבַהֵל אֶת־תַּמְרוּקֶ֤יהָ וְאֶת־מָנוֹתֶהָ֙ לָתֵ֣ת לָ֔הּ וְאֵת֙ שֶׁ֣בַע הַנְּעָר֔וֹת הָרְאֻי֥וֹת לָתֶת־לָ֖הּ מִבֵּ֣ית הַמֶּ֑לֶךְ וַיְשַׁנֶּ֧הָ וְאֶת־נַעֲרוֹתֶ֛יהָ לְט֖וֹב בֵּ֥ית הַנָּשִֽׁים:
[י] לֹא־הִגִּ֣ידָה אֶסְתֵּ֔ר אֶת־עַמָּ֖הּ וְאֶת־מֽוֹלַדְתָּ֑הּ כִּ֧י מָרְדֳּכַ֛י צִוָּ֥ה עָלֶ֖יהָ אֲשֶׁ֥ר לֹא־תַגִּֽיד: ס
[יא] וּבְכָל־י֣וֹם וָי֔וֹם מָרְדֳּכַי֙ מִתְהַלֵּ֔ךְ לִפְנֵ֖י חֲצַ֣ר בֵּית־הַנָּשִׁ֑ים לָדַ֙עַת֙ אֶת־שְׁל֣וֹם אֶסְתֵּ֔ר וּמַה־יֵּעָשֶׂ֖ה בָּֽהּ:
[יב] וּבְהַגִּ֡יעַ תֹּר֩ נַעֲרָ֨ה וְנַעֲרָ֜ה לָב֣וֹא׀ אֶל־הַמֶּ֣לֶךְ אֲחַשְׁוֵר֗וֹשׁ מִקֵּץ֩ הֱי֨וֹת לָ֜הּ כְּדָ֤ת הַנָּשִׁים֙ שְׁנֵ֣ים עָשָׂ֣ר חֹ֔דֶשׁ כִּ֛י כֵּ֥ן יִמְלְא֖וּ יְמֵ֣י מְרוּקֵיהֶ֑ן שִׁשָּׁ֤ה חֳדָשִׁים֙ בְּשֶׁ֣מֶן הַמֹּ֔ר וְשִׁשָּׁ֤ה חֳדָשִׁים֙ בַּבְּשָׂמִ֔ים וּבְתַמְרוּקֵ֖י הַנָּשִֽׁים:
[יג] וּבָזֶ֕ה הַֽנַּעֲרָ֖ה בָּאָ֣ה אֶל־הַמֶּ֑לֶךְ אֵת֩ כָּל־אֲשֶׁ֨ר תֹּאמַ֜ר יִנָּ֤תֵֽן לָהּ֙ לָב֣וֹא עִמָּ֔הּ מִבֵּ֥ית הַנָּשִׁ֖ים עַד־בֵּ֥ית הַמֶּֽלֶךְ:
[יד] בָּעֶ֣רֶב׀ הִ֣יא בָאָ֗ה וּ֠בַבֹּקֶר הִ֣יא שָׁבָ֞ה אֶל־בֵּ֤ית הַנָּשִׁים֙ שֵׁנִ֔י אֶל־יַ֧ד שַׁעַשְׁגַ֛ז סְרִ֥יס הַמֶּ֖לֶךְ שֹׁמֵ֣ר הַפִּֽילַגְשִׁ֑ים לֹא־תָב֥וֹא עוֹד֙ אֶל־הַמֶּ֔לֶךְ כִּ֣י אִם־חָפֵ֥ץ בָּ֛הּ הַמֶּ֖לֶךְ וְנִקְרְאָ֥ה בְשֵֽׁם:
[טו] וּבְהַגִּ֣יעַ תֹּר־אֶסְתֵּ֣ר בַּת־אֲבִיחַ֣יִל דֹּ֣ד מָרְדֳּכַ֡י אֲשֶׁר֩ לָקַֽח־ל֨וֹ לְבַ֜ת לָב֣וֹא אֶל־הַמֶּ֗לֶךְ לֹ֤א בִקְשָׁה֙ דָּבָ֔ר כִּ֠י אִ֣ם אֶת־אֲשֶׁ֥ר יֹאמַ֛ר הֵגַ֥י סְרִיס־הַמֶּ֖לֶךְ שֹׁמֵ֣ר הַנָּשִׁ֑ים וַתְּהִ֤י אֶסְתֵּר֙ נֹשֵׂ֣את חֵ֔ן בְּעֵינֵ֖י כָּל־רֹאֶֽיהָ:
[טז] וַתִּלָּקַ֨ח אֶסְתֵּ֜ר אֶל־הַמֶּ֤לֶךְ אֲחַשְׁוֵרוֹשׁ֙ אֶל־בֵּ֣ית מַלְכוּת֔וֹ בַּחֹ֥דֶשׁ הָעֲשִׂירִ֖י הוּא־חֹ֣דֶשׁ טֵבֵ֑ת בִּשְׁנַת־שֶׁ֖בַע לְמַלְכוּתֽוֹ:
[יז] וַיֶּאֱהַ֨ב הַמֶּ֤לֶךְ אֶת־אֶסְתֵּר֙ מִכָּל־הַנָּשִׁ֔ים וַתִּשָּׂא־חֵ֥ן וָחֶ֛סֶד לְפָנָ֖יו מִכָּל־הַבְּתוּל֑וֹת וַיָּ֤שֶׂם כֶּֽתֶר־מַלְכוּת֙ בְּרֹאשָׁ֔הּ וַיַּמְלִיכֶ֖הָ תַּ֥חַת וַשְׁתִּֽי:
[יח] וַיַּ֨עַשׂ הַמֶּ֜לֶךְ מִשְׁתֶּ֣ה גָד֗וֹל לְכָל־שָׂרָיו֙ וַעֲבָדָ֔יו אֵ֖ת מִשְׁתֵּ֣ה אֶסְתֵּ֑ר וַהֲנָחָ֤ה לַמְּדִינוֹת֙ עָשָׂ֔ה וַיִּתֵּ֥ן מַשְׂאֵ֖ת כְּיַ֥ד הַמֶּֽלֶךְ:
[יט] וּבְהִקָּבֵ֥ץ בְּתוּל֖וֹת שֵׁנִ֑ית וּמָרְדֳּכַ֖י יֹשֵׁ֥ב בְּשַֽׁעַר־הַמֶּֽלֶךְ:
[כ] אֵ֣ין אֶסְתֵּ֗ר מַגֶּ֤דֶת מֽוֹלַדְתָּהּ֙ וְאֶת־עַמָּ֔הּ כַּאֲשֶׁ֛ר צִוָּ֥ה עָלֶ֖יהָ מָרְדֳּכָ֑י וְאֶת־מַאֲמַ֤ר מָרְדֳּכַי֙ אֶסְתֵּ֣ר עֹשָׂ֔ה כַּאֲשֶׁ֛ר הָיְתָ֥ה בְאָמְנָ֖ה אִתּֽוֹ: ס
[כא] בַּיָּמִ֣ים הָהֵ֔ם וּמָרְדֳּכַ֖י יוֹשֵׁ֣ב בְּשַֽׁעַר־הַמֶּ֑לֶךְ קָצַף֩ בִּגְתָ֨ן וָתֶ֜רֶשׁ שְׁנֵֽי־סָרִיסֵ֤י הַמֶּ֙לֶךְ֙ מִשֹּׁמְרֵ֣י הַסַּ֔ף וַיְבַקְשׁוּ֙ לִשְׁלֹ֣חַ יָ֔ד בַּמֶּ֖לֶךְ אֲחַשְׁוֵרֹֽשׁ:
[כב] וַיִּוָּדַ֤ע הַדָּבָר֙ לְמָרְדֳּכַ֔י וַיַּגֵּ֖ד לְאֶסְתֵּ֣ר הַמַּלְכָּ֑ה וַתֹּ֧אמֶר אֶסְתֵּ֛ר לַמֶּ֖לֶךְ בְּשֵׁ֥ם מָרְדֳּכָֽי:
[כג] וַיְבֻקַּ֤שׁ הַדָּבָר֙ וַיִּמָּצֵ֔א וַיִּתָּל֥וּ שְׁנֵיהֶ֖ם עַל־עֵ֑ץ וַיִּכָּתֵ֗ב בְּסֵ֛פֶר דִּבְרֵ֥י הַיָּמִ֖ים לִפְנֵ֥י הַמֶּֽלֶךְ: פ

פרק ב
(א) אחר הדברים האלה - ג' ראשי פסוקים: בר' טו , א; אס' ב , א; ג , א. עשתה - ה' בקמץ: בר' כז , יז; ש"ב יג , י; יש' סו , ב; אס' ב , א; ה , יב. נגזר - ג': יש' נג , ח; *אס' ב , א; דה"ב כו , כא. (ב) נערי - י' זוגין מן ד' מלין בחד עינין , תינינה משנין (כלומר: עשר קבוצות של ארבע מלים דומות בענין אחד; במלה השניה מתוך הארבע יש שינוי כלשהו): *שמ' יג , ג , ט , יד , טז. - שמ' כו , ד , י; לו , יא , יז. - וי' כו , יח , כא , כד , כח. - יהו' ו , ד , ו , ח , יג. - יהו' ז , טז , יז (שתי מלים) , יח. - שו' כ , יח , כ , כג , כח. - אס' ב , ב; ג , ג; ו , ג , ה. - דנ' ג , ב , ג , ה , ז. - דנ' ג , ה , ז , י , טו. - עז' ה , ג , ו; ו , ו , יג. טובות - ב' מלא: יר' יב , ו; אס' ב , ב. (ג) ויפקד - ב': בר' מא , לד; אס' ב , ג. פקידים - ד' (ב' מלא וב' חסר): *בר' מא , לד; יר' כט , כו; אס' ב , ג; דה"ב לא , יג. ויקבצו - ב': בר' מא , לה; אס' ב , ג. ונתון - ז' (מלא וחסר): ראה קה' ח , ט. ונתון - ה' מלא (בלישנא): ראה קה' ח , ט. (ה) בן - ז' בטעמא בתלת נקוט (בלישנא , המלה מצויה שבע פעמים מוטעמת בטעם ולא במקף ואף על פי כן ניקודה סגול): בר' יז , יז; וי' א , ה; כד , י; יש' ח , ב; *אס' ב , ה; נחמ' ו , יח; דה"א ט , כא. (ו) מירושלים - ד' מלא (בלישנא): יר' כו , יח; *אס' ב , ו; דה"א ג , ה; דה"ב כה , א. וחד: ירושלימה - דה"ב לב , ט. (נוסח אחר המצוי במסורה הגדולה ליר' כו , יח , מונה ה' מלאים וכולל את דה"ב לב , ט במניין). הגלה - ב' חסר: *אס' ב , ו; דה"א ה , כב. הגלה - ד' חסר (בלישנא): יש' מט , כא; נח' ג , י; אס' ב , ו; דה"א ה , כב. (ז) אב ואם - ב': יח' כב , ז; אס' ב , ז. (ח) ובהקבץ - ב': אס' ב , ח , יט. (יא) יום ויום - ב': *אס' ב , יא; ג , ד. שלום - י': *בר' לז , יד (פעמיים); מא , טז; יש' נד , יג; יר' יד , יג; כט , ז; תה' לה , כז; עג , ג; קכב , ו; אס' ב , יא. יעשה - ל"ו: *בר' כט , כו; לד , ז; שמ' ב , ד; יב , טז (פעמיים); כא , לא; לא , טו; וי' ב , ח; ז , כד; יא , לב; יג , נא; כד , יט; במ' ד , כו; ו , ד; טו , יא , לד; כח , טו , כד; דב' כה , ט; שו' יא , לז; ש"א יא , ז; יז , כו , כז; ש"ב יג , יב; מ"ב יב , יד; יש' ג , יא; יר' ג , טז; ה , יג; יח' יב , יא; טו , ה; מד , יד; עו' א , טו; אס' ב , יא; ו , ט , יא; עז' י , ג. (יב) ובהגיע - ב': אס' ב , יב , טו. בשמן - ו' רפין: *שמ' כט , מ; *במ' כח , ה; לה , כה; תה' פט , כא; צב , יא; *אס' ב , יב. (יג) באה - י"א בטעמא באל"ף (כלומר: מלרע , בלישנא): *בר' כט , ו; לז , כה; ש"א כה , יט; יש' סו , יח; יר' י , כב; יונה א , ג; מי' ד , ח; זכ' יד , יח; מש' יג , יב; *אס' ב , יג , יד. וכל מלכים ויחזקאל דכותהון בר מן ב': מ"א ב , כח; יח' ז , ז. (יד) באה - י"א בטעמא (מלרע , בלישנא): ראה לעיל , יג. ובבקר - ו': שמ' טז , יב , יג; יש' יז , יא; תה' פח , יד; אס' ב , יד; ה , יד. שבה - ג' בטעמא (מלרע , בלישנא): וי' כב , יג; יש' כג , יז; אס' ב , יד. הפילגשים - ב' מלא: בר' כה , ו; וכל כתובים (שה"ש ו , ח , ט; אס' ב , יד; דה"א ג , ט; דה"ב יא , כא - נמנים כאחד). ונקראה - ב': *זכ' ח , ג; אס' ב , יד. (טו) ובהגיע - ב': אס' ב , יב , טו. (יז) וחסד - ה': *תה' כג , ו; מש' כא , כא; איוב י , יב; אס' ב , יז; *נחמ' א , ה. וישם - ג' בסיפרא: אס' ב , יז; ג , א; י , א. (יח) משתה גדול - ב': בר' כא , ח; אס' ב , יח. שריו ועבדיו - ב': אס' א , ג; ב , יח. משאת - ג': יר' ו , א; צפ' ג , יח; אס' ב , יח. וחד: ומשאת - יר' מ , ה. משאת - ה' בלישנא: שו' כ , מ; יר' ו , א; מ , ה; צפ' ג , יח; *אס' ב , יח. וחד: בשאת - וי' יג , י. כיד - ח': ראה אס' א , ז. כיד המלך - ג': מ"א י , יג; אס' א , ז; ב , יח. (יט) ובהקבץ - ב': אס' ב , ח , יט. (כ) עשה - ו' בקמץ: ראה קה' ב , ב. (כא) בימים ההם - ב' בסיפרא: אס' א , ב; ב , כא. הסף - י"א: שו' יט , כז; מ"ב יב , י; כב , ד; כג , ד; כה , יח; יר' לה , ד; נב , כד; יח' מא , טז; אס' ב , כא; ו , ב; דה"ב לד , ט. אחשורש - ד' חסר: אס' ב , כא; ג , יב; ח , ז , י. (כב) לאסתר המלכה - י"ד (בלישנא): אס' ב , כב; ה , ב , ג , יב; ז , א , ב , ג , ה , ז; ח , א , ז; ט , יב , כט , לא. (כג) וימצא - ז': בר' מד , יב; *אס' ב , כג; ו , ב; עז' י , יח; דה"א כו , לא; דה"ב טו , ד , טו. ויכתב - ג' בסיפרא: *אס' ב , כג; ג , יב; ח , ט.