מאגר הכתר דניאל פרק ד עם עין המסורה

פרק ד
[א] אֲנָ֣ה נְבוּכַדְנֶצַּ֗ר שְׁלֵ֤ה הֲוֵית֙ בְּבֵיתִ֔י וְרַעְנַ֖ן בְּהֵיכְלִֽי:
[ב] חֵ֥לֶם חֲזֵ֖ית וִֽידַחֲלִנַּ֑נִי וְהַרְהֹרִין֙ עַֽל־מִשְׁכְּבִ֔י וְחֶזְוֵ֥י רֵאשִׁ֖י יְבַהֲלֻנַּֽנִי:
[ג] וּמִנִּי֙ שִׂ֣ים טְעֵ֔ם לְהַנְעָלָ֣ה קָֽדָמַ֔י לְכֹ֖ל חַכִּימֵ֣י בָבֶ֑ל דִּֽי־פְשַׁ֥ר חֶלְמָ֖א יְהֽוֹדְעֻנַּֽנִי:
[ד] בֵּאדַ֣יִן עָלִּ֗לין עָלִּ֗ין חַרְטֻמַּיָּא֙ אָֽשְׁפַיָּ֔א כַּשְׂדָּיאֵ֖ כַּשְׂדָּאֵ֖י וְגָזְרַיָּ֑א וְחֶלְמָ֗א אָמַ֤ר אֲנָה֙ קֳדָ֣מֵיה֔וֹן וּפִשְׁרֵ֖הּ לָא־מְהוֹדְעִ֥ין לִֽי:
[ה] וְעַ֣ד אָחֳרֵ֡ין עַל֩ קָֽדָמַ֨י דָּנִיֵּ֜אל דִּֽי־שְׁמֵ֤הּ בֵּלְטְשַׁאצַּר֙ כְּשֻׁ֣ם אֱלָהִ֔י וְדִ֛י רֽוּחַ־אֱלָהִ֥ין קַדִּישִׁ֖ין בֵּ֑הּ וְחֶלְמָ֖א קָֽדָמ֥וֹהִי אַמְרֵֽת:
[ו] בֵּלְטְשַׁאצַּר֘ רַ֣ב חַרְטֻמַּיָּא֒ דִּ֣י׀ אֲנָ֣ה יִדְעֵ֗ת דִּ֠י ר֣וּחַ אֱלָהִ֤ין קַדִּישִׁין֙ בָּ֔ךְ וְכָל־רָ֖ז לָא־אָנֵ֣ס לָ֑ךְ חֶזְוֵ֨י חֶלְמִ֧י דִֽי־חֲזֵ֛ית וּפִשְׁרֵ֖הּ אֱמַֽר:
[ז] וְחֶזְוֵ֥י רֵאשִׁ֖י עַֽל־מִשְׁכְּבִ֑י חָזֵ֣ה הֲוֵ֔ית וַאֲל֥וּ אִילָ֛ן בְּג֥וֹא אַרְעָ֖א וְרוּמֵ֥הּ שַׂגִּֽיא:
[ח] רְבָ֥ה אִֽילָנָ֖א וּתְקִ֑ף וְרוּמֵהּ֙ יִמְטֵ֣א לִשְׁמַיָּ֔א וַחֲזוֹתֵ֖הּ לְס֥וֹף כָּל־אַרְעָֽא:
[ט] עָפְיֵ֤הּ שַׁפִּיר֙ וְאִנְבֵּ֣הּ שַׂגִּ֔יא וּמָז֨וֹן לְכֹ֖לָּא־בֵ֑הּ תְּחֹת֜וֹהִי תַּטְלֵ֣ל׀ חֵיוַ֣ת בָּרָ֗א וּבְעַנְפ֙וֹהִי֙ יְדֻרָון֙ יְדוּרָן֙ צִפֲּרֵ֣י שְׁמַיָּ֔א וּמִנֵּ֖הּ יִתְּזִ֥ין כָּל־בִּשְׂרָֽא:
[י] חָזֵ֥ה הֲוֵ֛ית בְּחֶזְוֵ֥י רֵאשִׁ֖י עַֽל־מִשְׁכְּבִ֑י וַאֲלוּ֙ עִ֣יר וְקַדִּ֔ישׁ מִן־שְׁמַיָּ֖א נָחִֽת:
[יא] קָרֵ֨א בְחַ֜יִל וְכֵ֣ן אָמַ֗ר גֹּ֤דּוּ אִֽילָנָא֙ וְקַצִּ֣צוּ עַנְפ֔וֹהִי אַתַּ֥רוּ עָפְיֵ֖הּ וּבַדַּ֣רוּ אִנְבֵּ֑הּ תְּנֻ֤ד חֵֽיוְתָא֙ מִן־תַּחְתּ֔וֹהִי וְצִפְּרַיָּ֖א מִן־עַנְפֽוֹהִי:
[יב] בְּרַ֨ם עִקַּ֤ר שָׁרְשׁ֙וֹהִי֙ בְּאַרְעָ֣א שְׁבֻ֔קוּ וּבֶֽאֱסוּר֙ דִּֽי־פַרְזֶ֣ל וּנְחָ֔שׁ בְּדִתְאָ֖א דִּ֣י בָרָ֑א וּבְטַ֤ל שְׁמַיָּא֙ יִצְטַבַּ֔ע וְעִם־חֵיוְתָ֥א חֲלָקֵ֖הּ בַּעֲשַׂ֥ב אַרְעָֽא:
[יג] לִבְבֵהּ֙ מִן־אֲנָושָׁ֣א אֲנָשָׁ֣א יְשַׁנּ֔וֹן וּלְבַ֥ב חֵיוָ֖ה יִתְיְהִ֣ב לֵ֑הּ וְשִׁבְעָ֥ה עִדָּנִ֖ין יַחְלְפ֥וּן עֲלֽוֹהִי:
[יד] בִּגְזֵרַ֤ת עִירִין֙ פִּתְגָמָ֔א וּמֵאמַ֥ר קַדִּישִׁ֖ין שְׁאֵֽלְתָ֑א עַד־דִּבְרַ֡ת דִּ֣י יִנְדְּע֣וּן חַ֠יַּיָּא דִּֽי־שַׁלִּ֨יט עִלָּיאָ֜ עִלָּאָ֜ה בְּמַלְכ֣וּת אֲנָושָׁ֗א אֲנָשָׁ֗א וּלְמַן־דִּ֤י יִצְבֵּא֙ יִתְּנִנַּ֔הּ וּשְׁפַ֥ל אֲנָשִׁ֖ים יְקִ֥ים עֲלַֽיהּ עֲלַֽהּ:
[טו] דְּנָה֙ חֶלְמָ֣א חֲזֵ֔ית אֲנָ֖ה מַלְכָּ֣א נְבוּכַדְנֶצַּ֑ר וְאַ֨נְתְּה וְאַ֨נְתְּ בֵּלְטְשַׁאצַּ֜ר פִּשְׁרֵ֣א ׀ אֱמַ֗ר כָּל־קֳבֵל֙ דִּ֣י׀ כָּל־חַכִּימֵ֣י מַלְכוּתִ֗י לָֽא־יָכְלִ֤ין פִּשְׁרָא֙ לְהוֹדָ֣עוּתַ֔נִי וְאַ֣נְתְּה וְאַ֣נְתְּ כָּהֵ֔ל דִּ֛י רֽוּחַ־אֱלָהִ֥ין קַדִּישִׁ֖ין בָּֽךְ:
[טז] אֱדַ֨יִן דָּֽנִיֵּ֜אל דִּֽי־שְׁמֵ֣הּ בֵּלְטְשַׁאצַּ֗ר אֶשְׁתּוֹמַם֙ כְּשָׁעָ֣ה חֲדָ֔ה וְרַעְיֹנֹ֖הִי יְבַהֲלֻנֵּ֑הּ עָנֵ֨ה מַלְכָּ֜א וְאָמַ֗ר בֵּלְטְשַׁאצַּר֙ חֶלְמָ֤א וּפִשְׁרֵא֙ אַֽל־יְבַהֲלָ֔ךְ עָנֵ֤ה בֵלְטְשַׁאצַּר֙ וְאָמַ֔ר מָרִ֕אי מָרִ֕י חֶלְמָ֥א לְשָׂנְאָ֖יךְ לְשָׂנְאָ֖ךְ וּפִשְׁרֵ֥הּ לְעָרָֽיךְ לְעָרָֽךְ:
[יז] אִֽילָנָא֙ דִּ֣י חֲזַ֔יְתָ דִּ֥י רְבָ֖ה וּתְקִ֑ף וְרוּמֵהּ֙ יִמְטֵ֣א לִשְׁמַיָּ֔א וַחֲזוֹתֵ֖הּ לְכָל־אַרְעָֽא:
[יח] וְעָפְיֵ֤הּ שַׁפִּיר֙ וְאִנְבֵּ֣הּ שַׂגִּ֔יא וּמָז֨וֹן לְכֹ֖לָּא־בֵ֑הּ תְּחֹת֗וֹהִי תְּדוּר֙ חֵיוַ֣ת בָּרָ֔א וּבְעַנְפ֕וֹהִי יִשְׁכְּנָ֖ן צִפֲּרֵ֥י שְׁמַיָּֽא:
[יט] אַנְתְּה־אַנְתְּ־ה֣וּא מַלְכָּ֔א דִּ֥י רְבַ֖ית רְבַ֖ת וּתְקֵ֑פְתְּ וּרְבוּתָ֤ךְ רְבָת֙ וּמְטָ֣ת לִשְׁמַיָּ֔א וְשָׁלְטָנָ֖ךְ לְס֥וֹף אַרְעָֽא:
[כ] וְדִ֣י חֲזָ֣ה מַלְכָּ֡א עִ֣יר וְקַדִּ֣ישׁ נָחִ֣ת ׀ מִן־שְׁמַיָּ֡א וְאָמַר֩ גֹּ֨דּוּ אִֽילָנָ֜א וְחַבְּל֗וּהִי בְּרַ֨ם עִקַּ֤ר שָׁרְשׁ֙וֹהִי֙ בְּאַרְעָ֣א שְׁבֻ֔קוּ וּבֶאֱסוּר֙ דִּֽי־פַרְזֶ֣ל וּנְחָ֔שׁ בְּדִתְאָ֖א דִּ֣י בָרָ֑א וּבְטַ֧ל שְׁמַיָּ֣א יִצְטַבַּ֗ע וְעִם־חֵיוַ֤ת בָּרָא֙ חֲלָקֵ֔הּ עַ֛ד דִּֽי־שִׁבְעָ֥ה עִדָּנִ֖ין יַחְלְפ֥וּן עֲלֽוֹהִי:
[כא] דְּנָ֥ה פִשְׁרָ֖א מַלְכָּ֑א וּגְזֵרַ֤ת עִלָּיאָ֙ עִלָּאָה֙ הִ֔יא דִּ֥י מְטָ֖ת עַל־מָרִ֥אי מָרִ֥י מַלְכָּֽא:
[כב] וְלָ֣ךְ טָרְדִ֣ין מִן־אֲנָשָׁ֡א וְעִם־חֵיוַ֣ת בָּרָא֩ לֶהֱוֵ֨ה מְדֹרָ֜ךְ וְעִשְׂבָּ֥א כְתוֹרִ֣ין׀ לָ֣ךְ יְטַֽעֲמ֗וּן וּמִטַּ֤ל שְׁמַיָּא֙ לָ֣ךְ מְצַבְּעִ֔ין וְשִׁבְעָ֥ה עִדָּנִ֖ין יַחְלְפ֣וּן עֲלָ֑יךְ עֲלָ֑ךְ עַ֣ד דִּֽי־תִנְדַּ֗ע דִּֽי־שַׁלִּ֤יט עִלָּיאָ֙ עִלָּאָה֙ בְּמַלְכ֣וּת אֲנָשָׁ֔א וּלְמַן־דִּ֥י יִצְבֵּ֖א יִתְּנִנַּֽהּ:
[כג] וְדִ֣י אֲמַ֗רוּ לְמִשְׁבַּ֞ק עִקַּ֤ר שָׁרְשׁ֙וֹהִי֙ דִּ֣י אִֽילָנָ֔א מַלְכוּתָ֖ךְ לָ֣ךְ קַיָּמָ֑א מִן־דִּ֣י תִנְדַּ֔ע דִּ֥י שַׁלִּטִ֖ן שְׁמַיָּֽא:
[כד] לָהֵ֣ן מַלְכָּ֗א מִלְכִּי֙ יִשְׁפַּ֣ר עֲלָ֔יךְ עֲלָ֔ךְ וַחֲטָיָךְ֙ וַחֲטָאָךְ֙ בְּצִדְקָ֣ה פְרֻ֔ק וַעֲוָיָתָ֖ךְ בְּמִחַ֣ן עֲנָ֑יִן הֵ֛ן תֶּהֱוֵ֥ה אַרְכָ֖ה לִשְׁלֵוְתָֽךְ:
[כה] כֹּ֣לָּא מְּטָ֔א עַל־נְבוּכַדְנֶצַּ֖ר מַלְכָּֽא: פ
[כו] לִקְצָ֥ת יַרְחִ֖ין תְּרֵֽי־עֲשַׂ֑ר עַל־הֵיכַ֧ל מַלְכוּתָ֛א דִּ֥י בָבֶ֖ל מְהַלֵּ֥ךְ הֲוָֽה:
[כז] עָנֵ֤ה מַלְכָּא֙ וְאָמַ֔ר הֲלָ֥א דָא־הִ֖יא בָּבֶ֣ל רַבְּתָ֑א דִּֽי־אֲנָ֤ה בֱנַיְתַהּ֙ לְבֵ֣ית מַלְכ֔וּ בִּתְקָ֥ף חִסְנִ֖י וְלִיקָ֥ר הַדְרִֽי:
[כח] ע֗וֹד מִלְּתָא֙ בְּפֻ֣ם מַלְכָּ֔א קָ֖ל מִן־שְׁמַיָּ֣א נְפַ֑ל לָ֤ךְ אָֽמְרִין֙ נְבוּכַדְנֶצַּ֣ר מַלְכָּ֔א מַלְכוּתָ֖א עֲדָ֥ת מִנָּֽךְ:
[כט] וּמִן־אֲנָשָׁא֩ לָ֨ךְ טָֽרְדִ֜ין וְֽעִם־חֵיוַ֧ת בָּרָ֣א מְדֹרָ֗ךְ עִשְׂבָּ֤א כְתוֹרִין֙ לָ֣ךְ יְטַעֲמ֔וּן וְשִׁבְעָ֥ה עִדָּנִ֖ין יַחְלְפ֣וּן עֲלָ֑יךְ עֲלָ֑ךְ עַ֣ד דִּֽי־תִנְדַּ֗ע דִּֽי־שַׁלִּ֤יט עִלָּיאָ֙ עִלָּאָה֙ בְּמַלְכ֣וּת אֲנָשָׁ֔א וּלְמַן־דִּ֥י יִצְבֵּ֖א יִתְּנִנַּֽהּ:
[ל] בַּהּ־שַׁעֲתָ֗א מִלְּתָא֘ סָ֣פַת עַל־נְבוּכַדְנֶצַּר֒ וּמִן־אֲנָשָׁ֣א טְרִ֔יד וְעִשְׂבָּ֤א כְתוֹרִין֙ יֵאכֻ֔ל וּמִטַּ֥ל שְׁמַיָּ֖א גִּשְׁמֵ֣הּ יִצְטַבַּ֑ע עַ֣ד דִּ֥י שַׂעְרֵ֛הּ כְּנִשְׁרִ֥ין רְבָ֖ה וְטִפְר֥וֹהִי כְצִפְּרִֽין:
[לא] וְלִקְצָ֣ת יֽוֹמַיָּא֩ אֲנָ֨ה נְבוּכַדְנֶצַּ֜ר עַיְנַ֣י׀ לִשְׁמַיָּ֣א נִטְלֵ֗ת וּמַנְדְּעִי֙ עֲלַ֣י יְת֔וּב וּלְעִלָּיאָ֙ וּלְעִלָּאָה֙ בָּרְכֵ֔ת וּלְחַ֥י עָלְמָ֖א שַׁבְּחֵ֣ת וְהַדְּרֵ֑ת דִּ֤י שָׁלְטָנֵהּ֙ שָׁלְטָ֣ן עָלַ֔ם וּמַלְכוּתֵ֖הּ עִם־דָּ֥ר וְדָֽר:
[לב] וְכָל־דָּאְרֵ֤י דָּיְרֵ֤י אַרְעָא֙ כְּלָ֣ה חֲשִׁיבִ֔ין וּֽכְמִצְבְּיֵ֗הּ עָבֵד֙ בְּחֵ֣יל שְׁמַיָּ֔א וְדָאְרֵ֖י וְדָיְרֵ֖י אַרְעָ֑א וְלָ֤א אִיתַי֙ דִּֽי־יְמַחֵ֣א בִידֵ֔הּ וְיֵ֥אמַר לֵ֖הּ מָ֥ה עֲבַֽדְתְּ:
[לג] בֵּהּ־זִמְנָ֞א מַנְדְּעִ֣י׀ יְת֣וּב עֲלַ֗י וְלִיקַ֨ר מַלְכוּתִ֜י הַדְרִ֤י וְזִיוִי֙ יְת֣וּב עֲלַ֔י וְלִ֕י הַדָּֽבְרַ֥י וְרַבְרְבָנַ֖י יְבַע֑וֹן וְעַל־מַלְכוּתִ֣י הָתְקְנַ֔ת וּרְב֥וּ יַתִּירָ֖ה ה֥וּסְפַת לִֽי:
[לד] כְּעַ֞ן אֲנָ֣ה נְבֻכַדְנֶצַּ֗ר מְשַׁבַּ֨ח וּמְרוֹמֵ֤ם וּמְהַדַּר֙ לְמֶ֣לֶךְ שְׁמַיָּ֔א דִּ֤י כָל־מַעֲבָד֙וֹהִי֙ קְשֹׁ֔ט וְאֹרְחָתֵ֖הּ דִּ֑ין וְדִי֙ מַהְלְכִ֣ין בְּגֵוָ֔ה יָכִ֖ל לְהַשְׁפָּלָֽה: פ

פרק ד
(ב) יבהלנני - ג': דנ' ד , ב; ז , טו , כח. (ג) לכל חכימי - ב': דנ' ב , יב; ד , ג. (ד) עללין (כתיב; עלין קרי) - ד' יתיר למ"ד: ש"ב טז , ב; *דנ' ד , ד; ה , ח , י. וחלמא - ב': דנ' ד , ד , ה. ופשרֵה - י"ד (רי"ש בצירי , בלישנא): ראה דנ' ב , ה. (ה) אלהי - ב': *דנ' ד , ה; ו , כג. וחלמא - ב': דנ' ד , ד , ה. (ו) ופשרֵה - י"ד (רי"ש בצירי , בלישנא): ראה דנ' ב , ה. אמר - ג': דנ' ב , ד; ד , ו , טו. (ח) ותקף - ב' וחסר: דנ' ד , ח , יז. (ט) ומזון - ג': *בר' מה , כג; דנ' ד , ט , יח. לכלא - בה - י"א בטעמא (מאילא לאתנחתא): בר' ח , יח; במ' כח , כו; מ"ב ט , ב; יר' ב , לא; יח' ז , כה; י , יג; יא , יח; רות א , י; דנ' ד , ט , יח; דה"ב כ , ח. לכלא - בה - ב' בטעמא (מאילא לאתנחתא) בסיפרא: דנ' ד , ט , יח. ידרון (כתיב; ידורן קרי) - ד' מילין בסיפרא מוקדם ומאוחר (כלומר: ארבע מלים בספר דניאל שיש לקרוא אותן בשיכול אותיות באמצע מלה; התופעה מצויה שבע פעמים): *דנ' ד , ט; ה , ז , טז (שלוש פעמים) , כט; ח , יא. (יב) בדתאא - ב': *דנ' ד , יב , כ. ובטל - ב': דנ' ד , יב , כ. (יג) ולבב - ה': יש' ז , ב; יט , א; לב , ד; דנ' ד , יג; ז , ד. (יד) ושפל - ג': יש' נז , טו; מש' כט , כג; דנ' ד , יד. (טו) מלכא נבוכדנצר - ה' (בלישנא): ראה דנ' ב , כח. אמר - ג': דנ' ב , ד; ד , ו , טו. פשרא - ד': דנ' ב , כה , ל; ד , טו , כא. להודעותני - ב' ומלא: דנ' ד , טו; ה , טז. (טז) אדין - י"ח ראשי פסוקים (בסיפרא , מלעיל): ראה דנ' ב , יז. ענה מלכא - ה' בטעמא (אזלא וגרש): *דנ' ד , טז; ה , ז , יג; ו , יג , כא. ופשרֵה - י"ד (רי"ש בצירי , בלישנא): ראה דנ' ב , ה. לעריך (כתיב; לערך קרי) - ח' (לשון שנאה , בלישנא): ש"א כח , טז; יש' יד , כא; מי' ה , י , יג; תה' ט , ז; קלט , כ; דנ' ד , טז; עז' ד , יד. (יז) ותקף - ב' וחסר: דנ' ד , ח , יז. (יח) ומזון - ג': *בר' מה , כג; דנ' ד , ט , יח. לכלא - בה - י"א בטעמא (מאילא לאתנחתא): ראה לעיל , ט. לכלא - בה - ב' בטעמא (בסיפרא): דנ' ד , ט , יח. (כ) ודי - כ"ו פסוקים שיש בהם כל אותיות אל"ף בי"ת: ראה דנ' ב , מה. בדתאא - ב': *דנ' ד , יב , כ. ובטל - ב': דנ' ד , יב , כ. (כא) פשרא - ד': דנ' ב , כה , ל; ד , טו , כא. (כב) ועשבא - ב': דנ' ד , כב , ל. (כג) שלטן - ב' , חד חסר וחד מלא (בלישנא): דנ' ד , כג; עז' ד , כ. (כד) תהוה - ו' (בסיפרא) , ג' כתב ה"א וג' כתב אל"ף: ראה דנ' ב , מ. (כה) כלא - ג': דנ' ב , מ; ד , כה; עז' ה , ז. מטא - ג' (חד כתב אל"ף וב' כתב ה"א): דנ' ד , כה; ז , יג , כב. על - נבוכדנצר - ב': *דנ' ד , כה , ל. וב' 'אל - נבוכדנאצר' (בכתיבים שונים): יר' כט , ג; לט , ה. (כו) תרי - עשר - ב': דנ' ד , כו; עז' ו , יז. הוה - ו' כתב ה"א בשני פסוקים: *דנ' ד , כו; ה , יט (חמש פעמים , פרט לראשון ושני האחרונים שבפסוק , הכתובים באל"ף). (כח) עדת - ב' (בקמץ): *דנ' ג , כז; ד , כח. (וכל קרייה בפתח). מנך - ה': ראה דנ' ב , כג. (ל) על - נבוכדנצר - ב': *דנ' ד , כה , ל. (וב' 'אל': יר' כט , ג; לט , ה). ועשבא - ב': דנ' ד , כב , ל. גשמה - ג': דנ' ד , ל; ה , כא; ז , יא. (לב) מה - ה' בקמץ דסמיכין לעי"ן ולחי"ת (בלישנא): בר' לא , לב; מ"ב ח , יג; מל' ב , יד; *דנ' ד , לב; *עז' ו , ט. (לג) ולי - ח': שו' יד , טז; ש"א יח , ח; מ"א א , כו; *חגי ב , ח; תה' ס , ט; קטז , ו; קלט , יז; *דנ' ד , לג. (לד) נבכדנצר - י' חסר ו"ו (בלישנא. וכל מלכים בר מן חד): ראה דנ' א , יח. נבכדנצר - ז' (בלישנא): ראה דנ' א , א. למלך - כ"ט: *במ' כא , כט; יהו' ב , ב; י , כח (פעמיים) , ל; שו' ט , ו; ש"א טו , יא; ש"ב ג , יז; ה , יב; מ"א י , ט; יד , ב; יר' נא , לא; יח' לז , כב; הו' י , ו; זכ' יד , ט , טז , יז; תה' מה , ב; עב , א; איוב יח , יד; לד , יח; דנ' ד , לד; נחמ' ו , ו; דה"א יד , ב; כח , ד; כט , כג; דה"ב ט , ח (פעמיים); כד , כג. (ופרט לכך גם צרופים רבים של 'למלך' עם: משיחה , מצרים , ישראל , אשור). מהלכין - ב': דנ' ג , כה; ד , לד. יכל - ב' וחסר: דנ' ג , יז; ד , לד.